Aadhi Pinisetty: ఆ విషయంలో నిజాయితీగా అభిప్రాయాన్ని చెబుతా?

July 16, 2022 / 12:10 PM ISTByFilmy Focus

Join Us

Aadhi Pinisetty: ఆ విషయంలో నిజాయితీగా అభిప్రాయాన్ని చెబుతా?

ఆది పినిశెట్టి ఈ పేరు గురించి పరిచయం అవసరం లేదు. ఈయన తెలుగు తమిళ భాషలలో హీరోగా పలు సినిమాలలో నటించి మంచి గుర్తింపు పొందారు. కేవలం హీరోగా మాత్రమే కాకుండా ప్రస్తుతం విలన్ పాత్రలలో కూడా నటిస్తూ ఆది అందరినీ ఎంతగానో ఆకట్టుకుంటున్నారు.అల్లు అర్జున్ సరైనోడు సినిమాతో విలన్ గా ఎంట్రీ ఇచ్చిన ఈయన పలు సినిమాలలో విలన్ పాత్రలు పోషిస్తున్నారు. ఈ క్రమంలోనే రామ్ హీరోగా నటించిన దివారియర్ సినిమాలో సైతం పవర్ ఫుల్ విలన్ పాత్రలో నటించి ప్రేక్షకులను సందడి చేశారు.

ఇక ఈ సినిమా ప్రపంచవ్యాప్తంగా జూలై 14వ తేదీ విడుదలయ్యి మంచి ఆదరణ సంపాదించుకుంది. ఇకపోతే ఈ సినిమా విడుదలైన తర్వాత ఓ ఇంటర్వ్యూలో పాల్గొన్న ఆది ఈ సినిమా గురించి పలు ఆసక్తికరమైన విషయాలను వెల్లడించారు.ఈ సందర్భంగా కథల ఎంపిక విషయంలో ఎలాంటి నిర్ణయాలు తీసుకుంటారని ప్రశ్నించగా ఈ విషయం గురించి ఆది సమాధానం చెబుతూ తనకు కథ నచ్చితే వెంటనే నచ్చిందని చెబుతా లేదంటే నిజాయితీగా నచ్చలేదు అని నా అభిప్రాయాన్ని చెబుతానని అది వెల్లడించారు.

ఇకపోతే దివారియర్ సినిమాలో గురు పాత్ర కోసం తాను రెండు రోజుల టైం తీసుకున్నానని తనకు రెండు రోజులు టైం కావాలంటూ డైరెక్టర్ లింగు స్వామిని అడిగినట్లు అది వెల్లడించారు. ఈ సినిమాలో గురు పాత్ర ఒక సాధారణ విలన్ పాత్రలా కాకుండా ఒక స్పెషల్ గా ఉంది. ఈ పాత్ర కోసం పూర్తిగా నా గెటప్ మార్చుకున్నాను. అయితే ఈ పాత్ర అంత అద్భుతంగా పండింది అంటే ఆ క్రెడిట్ మొత్తం లింగుస్వామి గారిది అంటూ ఆది వెల్లడించారు.

ఇకపోతే ఈ సినిమాలో రామ్ తో మీ జర్నీ ఎలా ఉంది అనే ప్రశ్న ఎదురవగా ఈ ప్రశ్నకు ఆది సమాధానం చెబుతూ.. క్లైమాక్స్ సన్నివేశాలలో నాకు రామ్ కీ మధ్య జరిగే ఫైట్ షూటింగ్ ఒక యాక్షన్ సీక్వెన్స్ లా కాకుండా ఒక సాంగ్ షూటింగ్ లా జరిగిపోయింది.డైరెక్టర్ లింగు స్వామి కూడా ఇదే మాటే అన్నారు యాక్షన్ సీక్వెన్స్ లో మా ఇద్దరికీ కెమిస్ట్రీ, మా కోఆర్డినేషన్ ఎంతో అద్భుతంగా కుదిరాయి. ఇక రామ్ గ్రేట్ పర్ఫార్మర్, గ్రేట్ డాన్సర్ అంటూ రామ్ తో తన జర్నీ గురించి విషయాలను వెల్లడించారు.