Ajay Bhupathi, Dhanush: ‘ఆర్ఎక్స్100’ దర్శకుడితో ధనుష్..?

కోలీవుడ్ స్టార్ హీరో ధనుష్ వరుస హిట్టు సినిమాలతో దూసుకుపోతున్నాడు. ‘అసురన్’, ‘కర్ణన్’ లాంటి సినిమాలు ధనుష్ రేంజ్ ని మరింత పెంచేశాయి. ఈ హీరోకి హాలీవుడ్ నుండి కూడా ఆఫర్లు వస్తున్నాయి. ఓ పక్క తమిళ, హిందీ భాషల్లో నటిస్తూనే హాలీవుడ్ సినిమాను పూర్తి చేస్తున్నాడు. త్వరలోనే తెలుగు స్ట్రెయిట్ సినిమాలో నటించనున్నారు. శేఖర్ కమ్ముల ఈ సినిమాను డైరెక్ట్ చేయబోతున్నారు. పాన్ ఇండియా రేంజ్ లో ఈ సినిమాను రూపొందిస్తున్నారు.

ఇదిలా ఉండగా టాలీవుడ్ లో మరికొంతమంది దర్శకుaలు ధనుష్ కి కథలు చెప్పడానికి ప్రయత్నిస్తున్నారు. అయితే ధనుష్ మాత్రం ఓ డైరెక్టర్ కథ చెప్పమని అడిగారట. ఈ విషయం ఇప్పుడు హాట్ టాపిక్ గా మారింది. ‘ఆర్ఎక్స్ 100’ సినిమాతో దర్శకుడిగా పరిచయమైన అజయ్ భూపతి ప్రస్తుతం ‘మహాసముద్రం’ సినిమాను రూపొందిస్తున్నారు. ఈ సినిమా పోస్టర్లు, పాటలు విన్న ధనుష్.. అజయ్ భూపతికి ప్రత్యేకంగా కలిశారట. షూటింగ్ నిమిత్తం గోవా వెళ్లిన ధనుష్ అక్కడకి అజయ్ భూపతిని పిలిపించారట.

ఈ క్రమంలో తనకి కథ చెప్పమని అడిగారట. దీంతో అజయ్ ప్రస్తుతం ధనుష్ కోసం కథను సిద్ధం చేసే పనిలో పడ్డారు. ఆ కథ గనుక ధనుష్ కి నచ్చితే వీరి కాంబినేషన్ లో సినిమా రావడం ఖాయం. మరి ఈ ప్రాజెక్ట్ ఎప్పుడు ఓకే అవుతుందో చూద్దాం!

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!