Anupam Kher: ఎన్టీఆర్ గ్రేట్ అంటూ అనుపమ్ ఖేర్ ప్రశంసలు.. తారక్ రియాక్షన్ ఇదే!

యంగ్ టైగర్ జూనియర్ ఎన్టీఆర్  (Jr NTR) నటన గురించి ఇప్పటికే ఎంతోమంది ప్రముఖ సెలబ్రిటీలు ప్రశంసించారు. ఆర్ఆర్ఆర్ (RRR) సినిమాలో మల్లి గురించి తెలిసే సన్నివేశంలో తారక్ పది సెకన్లలో ఆరు వేరియేషన్స్ చూపించారంటే ఈ నటుడు ఎంత గొప్ప నటుడో సులువుగా అర్థమవుతుంది. సరైన ప్రాజెక్ట్ లలో తారక్ నటిస్తే వరుసగా పాన్ ఇండియా ఇండస్ట్రీ హిట్లు ఎన్టీఆర్ ఖాతాలో చేరతాయని చెప్పడంలో ఎలాంటి సందేహం అవసరం లేదు.

భారతదేశం గర్వించదగ్గ నటులలో ఒకరైన అనుపమ్ ఖేర్ (Anupam Kher) తాజాగా ఒక సందర్భంలో జూనియర్ ఎన్టీఆర్ ను కలవగా ఎన్టీఆర్ తో కలిసి దిగిన ఫోటోను సోషల్ మీడియా వేదికగా పంచుకోవడంతో పాటు తారక్ ప్రతిభ గురించి ఆసక్తికర వ్యాఖ్యలు చేశారు. అనుపమ్ ఖేర్ తన పోస్ట్ లో నేను అభిమానించే వ్యక్తులు, నటులలో ఒకరైన జూనియర్ ఎన్టీఆర్ ను నిన్న రాత్రి కలిశానని తారక్ వర్క్ అంటే చాలా ఇష్టమని ఆయన తెలిపారు.

జూనియర్ ఎన్టీఆర్ ఎనర్జీ లెవెల్స్ రెట్టింపు అవుతున్నాయని తారక్ శక్తి నుంచి మహోన్నత శక్తిగా ఎదుగుతూ ఉండాలని అనుపమ్ ఖేర్ పేర్కొన్నారు. జైహో అంటూ ఎన్టీఆర్ గ్రేట్ అని పరోక్షంగా కామెంట్లు చేస్తూ అనుపమ్ ఖేర్ తన ట్వీట్ ను ముగించారు. అనుపమ్ ఖేర్ పోస్ట్ చూసిన యంగ్ టైగర్ ఎన్టీఆర్ ఫ్యాన్స్ ఎంతో సంతోషిస్తున్నారు. మరోవైపు తారక్ సైతం అనుపమ్ ఖేర్ పోస్ట్ గురించి రియాక్ట్ అయ్యారు.

“నేనప్పుడూ ప్రశంసించే అద్భుతమైన వ్యక్తి పనితనం వర్ణనాతీతం. రాబోయే తరాల నటులకు మీరు స్పూర్తినిస్తూనే ఉండండి సార్” అంటూ అనుపమ్ ఖేర్ పోస్ట్ ను తారక్ రీట్వీట్ చేశారు. తారక్ ట్వీట్ కు దాదాపుగా 15 వేల లైక్స్ రాగా వార్2 సినిమాలో అనుపమ్ ఖేర్ కూడా నటిస్తున్నారేమో చూడాల్సి ఉంది. త్వరలో ఎన్టీఆర్, అనుపమ్ ఖేర్ కాంబినేషన్ ను సిల్వర్ స్క్రీన్ పై కచ్చితంగా చూడబోతున్నామని తారక్ ఫ్యాన్స్ అభిప్రాయపడుతున్నారు.

The joy of running into an actor whose body of work I have always admired is indescribable. May you continue to inspire generations of actors to come sir. https://t.co/qLyiwkSs5P

— Jr NTR (@tarak9999) May 1, 2024