తెలుగు సినిమా పాన్ ఇండియా స్థాయికి ఎదగడంలో ఎస్.ఎస్. రాజమౌళి (S. S. Rajamouli) పాత్ర ఎంతగానో ఉంది. కానీ అదే సమయంలో, ఆయన తెచ్చిన సీక్వెల్స్ ట్రెండ్ ఇప్పుడు ప్రేక్షకులను నిరాశకు గురి చేస్తోందని పలువురు అభిప్రాయపడుతున్నారు. రాజమౌళి బాహుబలి (Baahubali) సినిమాలతో ప్రారంభించిన ఈ ఫార్మాట్, ఇక్కడి నుంచి ఇతర చిత్రాలకు ప్రభావం చూపిస్తూ, ఒక నయా పద్ధతిగా మారింది. ఫలితంగా పెద్ద బడ్జెట్ సినిమాలను రెండు లేదా మూడు భాగాలుగా విభజిస్తూ ప్రేక్షకులను మరిన్ని భాగాలకు కట్టిపడేస్తున్నారు.
ఇప్పటికే పుష్ప (Pushpa), సలార్ (Salaar), దేవర (Devara) , కల్కి (Kalki 2898 AD) వంటి పాన్ ఇండియా చిత్రాలు ఈ ట్రెండ్ని కొనసాగిస్తున్నాయి. అయితే ఈ చిత్రాలు మొదటి భాగం చివర్లో సరైన ముగింపును అందించకపోవడం, “ఇంకా ఏదో మిగిలిపోయింది” అనే ఫీలింగ్ కలిగించడం ప్రేక్షకులకు అసంతృప్తిని తీసుకొస్తోందని నిపుణులు విశ్లేషిస్తున్నారు. ఉదాహరణకు, పుష్ప: ది రైజ్ క్లైమాక్స్తో సీక్వెల్ కోసం ఎదురుచూపులు కలిగించినా, అది కథన పరంగా పూర్తి తృప్తిని ఇవ్వలేకపోయింది. ఇప్పుడు పుష్ప 2: ది రూల్ (Pushpa 2: The Rule) కూడా మూడో భాగానికి లీడ్ ఇస్తూ మిగిలిపోవడమే దీనికి తార్కాణం.
ఇంతకుముందు దర్శకులు ఒక కథకు సరైన ముగింపు ఇచ్చి, కొత్త కథతో సీక్వెల్ని తీసుకురావడం చేస్తారు. కానీ ఇప్పుడు ట్రెండ్ మారిపోయింది. ఒక్క కథను విభజించి, మొదటి భాగాన్ని అసంపూర్ణంగా ముగించి, ప్రేక్షకులను మిగతా భాగాల కోసం ఎదురు చూడేలా చేస్తుండడం విమర్శలకు కారణమవుతోంది. సలార్ వంటి చిత్రాలు కూడా క్లైమాక్స్ లేని ఫస్ట్ పార్ట్తో అనేక విమర్శలు ఎదుర్కొన్నాయి. “ఇది నిజంగా సినిమా ముగిసిందా?” అనే ప్రశ్నలు బయటపడుతుంటాయి.
రాజమౌళి బాహుబలితో ఈ ట్రెండ్ను పాపులర్ చేసినప్పటికీ, ఇప్పుడు అదే ట్రెండ్ ఇండస్ట్రీలో సమస్యగా మారింది. కథలు పూర్తిగా చూపించి, ప్రేక్షకులను సంతృప్తిపర్చే ప్రయత్నం కావాలనేది అభిమానుల అభిప్రాయం. రాబోయే SSMB29ను కూడా సీక్వెల్గా విభజించే అవకాశం ఉన్నప్పటికీ, మొదటి భాగానికి మంచి ముగింపు ఇవ్వాలని ప్రేక్షకులు (Audience) కోరుకుంటున్నారు.
