ఆ ఒక్క నెలలోనే బాక్సాఫీస్ వద్ద 3 వేల కోట్లా?

ఓ నెలలోనే నాలుగు పెద్ద సినిమాలు, నాలుగు ఇండస్ట్రీల మోస్ట్ వాంటెడ్ హీరోలు, కలిపి చూసుకుంటే భారతీయ సినిమా చరిత్రలో మునుపెన్నడూ లేని స్థాయిలో బాక్సాఫీస్‌ దుమ్మురేపే స్కోప్‌ ఉందని ట్రేడ్ వర్గాలు భావిస్తున్నాయి. 2026 మార్చిలో రిలీజ్‌కి ప్లాన్ అయిన యష్ (Yash), రణబీర్ (Ranbir Kapoor), నాని (Nani), రామ్ చరణ్ (Ram Charan) సినిమాలు ఒక్కొక్కటి మాత్రమే కాదు, ఒక్కసారిగా నాలుగూ కూడా బాక్సాఫీస్‌ను షేక్ చేయగల పవర్‌ఫుల్ ప్రాజెక్ట్స్. ఒక్క వారం వ్యవధిలో వస్తున్న ఈ చిత్రాలకు అంచనాలు ఆకాశాన్ని తాకుతున్నాయి.

Pan India

మార్చి 19న యష్ నటించిన టాక్సిక్ (Toxic) రిలీజ్ కానుంది. కేజీఎఫ్ (KGF) సిరీస్ తర్వాత యష్ నుంచి వస్తున్న సినిమాగా ఇది భారీ హైప్‌ను సంపాదించింది. ఇప్పటివరకు వచ్చిన పోస్టర్స్, బజ్ చూస్తుంటే యష్ ఫాన్స్‌కి ఇది మరో యాక్షన్ ఫెస్టివల్ అనే చెప్పాలి. కంటెంట్ అట్టడుగు స్థాయిలో విఫలమవకపోతే, ఈ సినిమా కనీసం ₹800 నుంచి ₹1000 కోట్ల వరకూ వసూలు చేసే చాన్స్ ఉందని విశ్లేషకుల అంచనా. అదే తరవాతి రోజు మార్చి 20న రణబీర్ కపూర్, విక్కీ కౌశల్ (Vicky Kaushal) నటించిన లవ్ అండ్ వార్ అనే వర్మ చిత్రం థియేటర్లకు రానుంది.

సంజయ్ లీలా భన్సాలీ (Sanjay Leela Bhansali) దర్శకత్వం వహించడం వలన ఈ సినిమా స్థాయి పెరిగింది. భారీ విజువల్స్, హై డెఫినిషన్ ఎమోషనల్ కంటెంట్‌తో బాలీవుడ్‌కు మళ్లీ ఊపు తీసుకురావడం లక్ష్యంగా తెరకెక్కిస్తున్నారు. ఒకవేళ ఈ సినిమా పాజిటివ్ టాక్ తెచ్చుకుంటే, 1000 కోట్ల కలెక్షన్లు అసాధ్యం కాదు. మార్చి 26న ఒకే రోజు నాని ది ప్యారడైజ్ (The Paradise), రామ్ చరణ్ RC16 (RC16 Movie) రిలీజ్ కావడం హై వోల్టేజ్ క్లాష్‌గా నిలవనుంది. నానికి ది ప్యారడైజ్ బిగ్గెస్ట్ బడ్జెట్ మూవీగా నిలవబోతుంది. శ్రీకాంత్ ఓదెల (Srikanth Odela) దర్శకత్వం వహిస్తున్న ఈ చిత్రం కథ పటిష్టంగా ఉండే అవకాశం ఉంది.

మరోవైపు, బుచ్చిబాబు (Buchi Babu Sana) చరణ్ కాంబోపై సౌత్‌తో పాటు నార్త్‌లోనూ హైప్ ఉంది. ఏఆర్ రెహమాన్ (A.R.Rahman) మ్యూజిక్ అండతో, భారీ ఎమోషనల్ స్పోర్ట్స్ డ్రామాగా రూపొందుతోంది. ఇన్ని పెద్ద సినిమాలు ఒకే నెలలో వచ్చాయంటే ఓ నెలలోనే 3000 కోట్లు కలెక్ట్ అయ్యే స్కోప్ ఉన్నట్టే. కానీ ఈ సినిమాలన్నీ క్లిక్కవ్వాలి అంటే ఒకటి క్లియర్ కంటెంట్ తప్పక నిలవాలి. బజ్ వేరే విషయం, కానీ థియేటర్లలో ఆడియన్స్ నిలవడం మాత్రం స్టొరీపై ఆధారపడి ఉంటుంది. మరి మార్చి 2026.. బాక్సాఫీస్‌ను షేక్ చేసే నెల అవుతుందా? అనేది వేచి చూడాల్సిందే!

సీతమ్మ వాకిట్లో సిరిమల్లె చెట్టు.. టాప్ 5లో ఎంట్రీ!