కొన్ని కాంబినేషన్ల గురించి వినగానే… ఎక్కడో తెలియని వావ్‌ ఫీలింగ్‌ వచ్చేస్తుంది. ఎందుకంటే ఆ డైరక్టర్‌, హీరో తమ తమ స్టైల్‌లో సినిమాలు చేస్తుంటారు. అలాంటి ఇద్దరూ కలసి సినిమా చేస్తున్నారు అనేసరికి ఇది ఇంకెంత కొత్తగా ఉంటుందో అనే చర్చ మొదలవుతుంది. కోలీవుడ్‌లో ప్రస్తుతం ఇలాంటి చర్చ జరుగుతున్న కాంబినేషన్‌ లారెన్స్‌ – లోకేశ్ కనగరాజ్. అవును మీరు చదివింది కరెక్టే. ఈ ఇద్దరూ కలసి ఓ సినిమా చేయబోతున్నారట. అయితే ఆ సినిమాను వేరే డైరక్టర్‌ హ్యాండిల్‌ చేస్తారట.
మళ్లీ ఇదేం ట్విస్ట్‌ అనుకుంటున్నారా? ట్విస్టే.. కానీ ఇది కూడా డిఫరెంట్‌గా ఉంటుంది. రత్న కుమార్‌ అనే డైరక్టర్‌ లారెన్స్‌ కొత్త సినిమాను తెరకెక్కిస్తారట. ఆ సినిమాక కథను లోకేశ్ కనగరాజ్ అందిస్తున్నారు. ఇదీ మేటర్‌. రత్న కుమార్‌ అంటే మనకు తెలిసిన దర్శకుడే. అమలా పాల్‌తో ‘ఆమె’ అనే సినిమా చేసింది ఆయనే. ఇటీవల లారెన్స్‌ – రత్న కుమార్‌ – లోకేశ్ కనగరాజ్ కలసి ఈ సినిమా గురించి చర్చించుకున్నారట. త్వరలోనే అనౌన్స్‌మెంట్‌ ఉంటుంది అంటున్నారు.
కమల్ హాసన్, విజయ్ లాంటి హీరోలతో సినిమాలు చేసి.. రజనీకాంత్‌తో ఓ సినిమాను చేయడానికి సిద్ధమవుతున్న లోకేశ్ కనగరాజ్ తెలుగులో ఎన్టీఆర్‌, రామ్‌చరణ్‌, ప్రభాస్ లాంటి హీరోలతో సినిమా చేయడానికి సూత్రప్రాయంగా సిద్ధంగా ఉన్నారు. ఈ సమయంలో లారెన్స్‌కి ఓ కథ ఇస్తున్నారు అంటే.. ఆ కథ ఆయనకు ఎంతగా లారెన్స్‌కు సరిపోతుంది అనుకున్నారో అర్థం చేసుకోవచ్చు. ఈ సినిమాకు కథతోపాటు స్క్రీన్‌ప్లే కూడా లోకేశే అందిస్తారట.
మామూలుగా కామెడీ – హారర్‌, ఊర మాస్ సినిమాలు చేయడం (Lawrence) లారెన్స్‌ స్టైల్‌. లోకేశ్ స్టైల్‌ అంతా డాన్‌, యాక్షన్‌ టైప్‌. ఇక రత్న కుమార్‌ స్టైల్‌ కాస్త బోల్డ్‌. మరి ఈ ముగ్గురూ కలిస్తే ఎలాంటి కథ బయటకు వస్తుందో చూడాలి. అన్నట్లు ఈ సినిమాలో హీరోయిన్‌గా నయనతార దాదాపు ఫిక్స్‌ అయింది అంటున్నారు. ఆమె కూడా కలిస్తే ఈ కాంబినేషన్‌ ఎక్కడికో వెళ్లిపోతుంది అని చెప్పొచ్చు.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
Home