పాన్ ఇండియా స్టార్ ప్రభాస్ వరుసగా సినిమాలు చేస్తోన్న సంగతి తెలిసిందే. ఆ సినిమాలన్నీ కూడా పాన్ ఇండియా చిత్రాలే కావడం విశేషం. ఒక్కో ప్రాజెక్ట్ పై ప్రేక్షకుల్లో అంచనాలు పెరిగిపోతున్నాయి. ప్రస్తుతం ‘రాధేశ్యామ్’ సినిమాలో నటిస్తున్నారు. అలానే ‘సలార్’, ‘ఆదిపురుష్’ సినిమాల షూటింగ్ కూడా మొదలుపెట్టాడు. అయితే ఈ సినిమా ఎలా ఉండబోతున్నాయనే విషయంలో అభిమానులకు ఓ అంచనా ఉంది. కానీ నాగ్ అశ్విన్ తో ప్రభాస్ చేయబోయే సినిమా గురించి మాత్రం ఎలాంటి అవగాహన లేదు. సైంటిఫిక్ థ్రిల్లర్ జోనర్ లో ఈ సినిమాను రూపొందించబోతున్నాడు నాగ్ అశ్విన్.
గతంలో బాలయ్య నటించిన ‘ఆదిత్య 369’ మాదిరి ఈ సినిమా ఉంటుందని అంటున్నారు. అయితే ఈ సినిమా కోసం ఓ కొత్త ప్రపంచాన్ని సృష్టించబోతోంది చిత్రబృందం. ‘ఆదిపురుష్’, ‘సలార్’ సినిమాల కంటే ముందుగానే ఈ సినిమాను అనౌన్స్ చేశారు. కానీ ఈ సినిమా ప్రీ ప్రొడక్షన్ వర్క్ మీద ఏడాదికి పైగా సమయం కేటాయించాల్సి రావడంతో షూటింగ్ ఆలస్యమవుతుంది. ఈ సినిమాలో ఎన్నడూ చూడని విధంగా.. ఓ కొత్త ప్రపంచాన్ని తీర్చిదిద్దుతున్నట్లు.. అందులో వాహనాలు కూడా అన్నీ కొత్తగా ఉండబోతున్నట్లు గతంలో నాగ్ అశ్విన్ ఓ ఇంటర్వ్యూలో చెప్పాడు.
అయితే శుక్రవారం నాడు తన పుట్టినరోజు సందర్భంగా ఈ సినిమా గురించి మరిన్ని విషయాలు చెప్పుకొచ్చాడు. ఈ సినిమాలో తెరపై చూడబోయే ప్రతీ విషయం కొత్తగా ఉంటుందని అన్నారు. దీనికోసం ప్రపంచ స్థాయి సెట్టింగ్స్ సిద్ధమవుతున్నాయని.. అవి అద్భుతంగా ఉంటాయని.. తెర మీద సినిమా చూసే ప్రేక్షకులకు కొత్త అనుభూతిని ఇస్తాయని చెప్పుకొచ్చారు నాగ్ అశ్విన్. ఈ సినిమా ఆలస్యం అవుతుందని.. తనకు ఎలాంటి బాధ లేదని అన్నారు. ప్రీ ప్రొడక్షన్ వర్క్ కి కావాల్సినంత సమయం దొరకడం పట్ల చాలా సంతోషంగా ఉన్నానని చెప్పారు. కోవిడ్ కారణంగా సినిమా మొదలవ్వడానికి కొంత ఆలస్యం జరగొచ్చు కానీ.. ఈ ఏడాదే సినిమా మొదలవుతుందని చెప్పుకొచ్చారు!
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
