ఎనర్జిటిక్ స్టార్ రామ్ (Ram) సినీ కెరీర్ లో ఇస్మార్ట్ శంకర్ సినిమా ప్రత్యేకం అనే సంగతి తెలిసిందే. ఈ సినిమా బాక్సాఫీస్ వద్ద అప్పట్లోనే 40 కోట్ల రూపాయలకు పైగా షేర్ కలెక్షన్లను సొంతం చేసుకున్న సంగతి తెలిసిందే. డబుల్ ఇస్మార్ట్ (Double Ismart) సినిమా హక్కులు ఏకంగా 50 కోట్ల రూపాయలకు అమ్ముడయ్యాయని హనుమాన్ (Hanuman) మేకర్స్ ఈ సినిమా థియేట్రికల్ హక్కులను కొనుగోలు చేశారని సమాచారం అందుతోంది. ఆగష్టు నెల 15వ తేదీన డబుల్ ఇస్మార్ట్ ఇండిపెండెన్స్ డే కానుకగా విడుదల కానుండగా లాంగ్ వీకెండ్ సెలవులను ఈ సినిమా క్యాష్ చేసుకోనుంది.
డబుల్ ఇస్మార్ట్ మూవీ బిజినెస్ విషయంలో మేకర్స్ పూర్తిస్థాయిలో సంతృప్తితో ఉన్నారని భోగట్టా. పూరీ జగన్నాథ్ (Puri Jagannadh) ఈ సినిమాతో కచ్చితంగా భారీ బ్లాక్ బస్టర్ హిట్ ను అందుకుంటానని కాన్ఫిడెన్స్ వ్యక్తం చేస్తున్నట్టు తెలుస్తోంది. సంజయ్ దత్ (Sanjay Dutt) ఈ సినిమాలో విలన్ గా నటిస్తుండగా ఇప్పటివరకు ఈ సినిమా నుంచి వచ్చిన ప్రతి అప్ డేట్ ప్రేక్షకులను ఆకట్టుకుంది. టాక్ ఏ మాత్రం పాజిటివ్ గా ఉన్నా బాక్సాఫీస్ షేక్ కావడం పక్కా అని చెప్పవచ్చు.
ఈ సినిమాకు పోటీగా పలు సినిమాలు థియేటర్లలో విడుదలవుతున్నాయి. ఇస్మార్ట్ మ్యాజిక్ ను డబుల్ ఇస్మార్ట్ రిపీట్ చేయాల్సిందేనని ఫ్యాన్స్ కామెంట్స్ చేస్తున్నారు. పాన్ ఇండియా మూవీగా ఈ సినిమా విడుదలవుతుండగా ప్రమోషన్స్ విషయంలో ప్రత్యేక శ్రద్ధ పెడితే బాగుంటుందని చెప్పవచ్చు.
డబుల్ ఇస్మార్ట్ ప్రమోషన్స్ లో భాగంగా లైగర్ (Liger) ఫ్లాప్ గురించి పూరీ జగన్నాథ్ ఏ విధంగా స్పందిస్తారో చూడాల్సి ఉంది. పూరీ జగన్నాథ్ కు నిర్మాతగా కూడా డబుల్ ఇస్మార్ట్ సక్సెస్ సాధించడం కీలకమనే సంగతి తెలిసిందే. డబుల్ ఇస్మార్ట్ కలెక్షన్లు ఏ రేంజ్ లో ఉండబోతున్నాయో చూడాల్సి ఉంది.
Home