Jr NTR, Rajamouli: జక్కన్న గురించి ఆసక్తికర విషయం చెప్పిన తారక్‌!

‘బాహుబలి’తో రాజమౌళి పాన్‌ ఇండియా డైరక్టర్‌ అయ్యారని అందరూ అనుకుంటారు. కానీ ఆయనకు ఆ స్థాయి గుర్తింపు తీసుకొచ్చిన తొలి సినిమా ‘ఈగ’ అనే చెప్పాలి. అయితే ‘బాహుబలి’తో ఆ పాన్‌ ఇండియా పేరు మారు మోగిపోయింది. అందుకే రాజమౌళి ఎక్కడికెళ్లినా ‘ఈగ’ సినిమా గురించి అడుగుతుంటారు. ఆ సినిమాకు ఆయన పడ్డ కష్టం గురించి మాట్లాడుతుంటారు. తాజాగా ‘ఆర్ఆర్‌ఆర్‌’ సినిమా ప్రచారంలోనూ ‘ఈగ’ గురించి చర్చ వస్తోంది. అలా ఈ మధ్య ఓ బాలీవుడ్‌ టీవీషోలో ‘ఈగ’ సినిమా గురించి చర్చ వచ్చింది.

ఈ సందర్భంగా తారక్‌, రాజమౌళి ఆసక్తికర విషయాలు చెప్పుకొచ్చారు. రాజమౌళి చెప్పిన విషయం గతంలో ఓసారి అన్నట్లున్నారు కానీ, తారక్‌ చెప్పింది మాత్రం పూర్తిగా కొత్త విషయమే అనాలి. ముందుగా తెలిసిన విషయం గురించి చూద్దాం. ఈ సినిమా చిత్రీకరణ సమయంలో ఓసారి రాజమౌళితో అతని డ్రైవర్‌ నిరుత్సాహంగా మాట్లాడారట. ‘ఏంటి సార్‌… ఈగలు, దోమలతో సినిమా. స్టార్‌ హీరోలతో తీయొచ్చు’ కదా అంటూ చిన్నపాటి చిరాకు చూపించాడట. ఈ విషయాన్ని రాజమౌళినే చెప్పుకొచ్చారు.

ఆ తర్వాత తారక్‌ మరో ఆసక్తికర విషయం చెప్పుకొచ్చాడు. ఆ సినిమా చిత్రీకరణ ముందు, జరిగే సమయంలో రాజమౌళి ఇంట్లో ఫ్రిడ్జ్‌లో చూస్తే ఈగలు కనిపించేవట. ‘ఈగ’ సినిమాలో ఈగది ప్రధాన పాత్ర అనే విషయం తెలిసిందే. ఈ సినిమా సిద్ధమయ్యే క్రమంలో ఈగల గురించి పూర్తిగా తెలుసుకోవడానికి రాజమౌళి చాలా ప్రయత్నాలే చేశారట. ఈగల్ని జాగ్రత్తపరిచి… ఓ ఫ్రిజ్‌లో పెట్టి హైబర్నేట్‌ చేసి… వాటిని నిశితంగా పరిశీలించేవారట. దాని వల్ల సినిమా ఈగ క్లోజప్‌ షాట్లలో డీటైలింగ్‌ బాగా వచ్చిందని తారక్‌ చెప్పుకొచ్చాడు.

ఈ సినిమా షూటింగ్‌ జరుగుతున్న సమయంలో ఓసారి జక్కన్న ఇంటికెళ్లారట. అలా ఓసారి ఫ్రిడ్జ్‌ తెరిచి చూస్తే… ఓ సీసాలో ఈగలు కనిపించాయి. ఎందుకు అని అడిగితే రాజమౌళి అప్పుడు అసలు విషయం చెప్పారని తారక్‌ తెలిపాడు. అవును… మరి సినిమా కోసం ఆయన అంత కష్టపడబట్టే సినిమా అంతటి విజయం అందుకుంది. ఇప్పుడు ఆ సినిమా గురించి అందరూ మాట్లాడుకుంటున్నారు. కష్టే ఫలి అని అంటారు… ఇందుకే.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!