తండ్రులు, బాబాయిలు, మావయ్యల పాటల్ని తర్వాతి తరం హీరోలు రీమిక్స్‌ చేయడం కొత్తేమీ కాదు. అయితే ఈ పనిని ఎక్కువగా మెగా హీరోలు చేస్తారు అంటుంటారు. అయితే ఇటీవల కాలంలో మెగా హీరోస్‌ తగ్గించేశారు అనుకోండి. నందమూరి హీరోలు అప్పుడప్పుడు చేస్తూనే ఉంటారు. ఈ విషయం ఇప్పుడు ఎందుకు చర్చిస్తున్నారు అనుకుంటున్నారా? ఎందుకంటే కల్యాణ్రామ్ నెక్స్ట్‌ సినిమాలో ఓ రీమిక్స్‌ పాట ఉండబోతోంది కాబట్టి. ‘అమిగోస్‌’ అంటూ ఇటీవల ఈ సినిమా పోస్టర్‌ను, కాన్సెప్ట్‌ను విడుదల చేశారు.
ఆ సినిమా పోస్టర్‌ను గమనిస్తే ఓ ఆసక్తికర విషయం కనిపిస్తుంది. పోస్టర్‌లో దిగువన ఆఖరులో లిరిసిస్ట్‌ల పేర్లు వేశారు. అందులో వేటూరి అని కనిపిస్తుంది. అంటే ఈ సినిమాలో వేటూరి సుందర మూర్తి పాత పాటను రీమిక్స్‌ / రీమేక్‌ చేస్తారన్నమాట. అయితే అది ఎవరి సినిమా, ఏ సినిమా, ఏ పాట అనేది తెలియాల్సి ఉంది. సినిమా విడుదలకు ముందు దీని గురించి అదనపు వివరాలు బయటికొచ్చే అవకాశం ఉంది.
ఈ సినిమాను ఫిబ్రవరి 10, 2023న విడుదల చేస్తున్నట్లు టీమ్‌ ప్రకటించింది. కాబట్టి దానికి ముందే తెలిసే అవకాశం ఉంది. ఇక కల్యాణ్రామ్ రీమిక్స్‌ పాటల సంగతి చూస్తే.. గతంలో ‘పటాస్‌’ సినిమాలో ‘అరె ఓ సాంబా..’ అంటూ బాలకృష్ణ పాటను రీమిక్స్‌ చేశారు. ‘లారీ డ్రైవర్‌’ సినిమాలో ఆ పాట ఎంతటి ఘనవిజయం సాధించిందో అందరికీ తెలిసిందే. ఆ రోజుల్లోనే మాంచి మాస్‌ బీట్‌గా పేరొందిన ఈ పాటను ‘పటాస్‌’లో అదరగొట్టారనే చెప్పాలి.
కల్యాణ్రామ్, శ్రుతి సోధి ఆ పాటకు డ్యాన్స్‌ వేస్తుంటే నందమూరి అభిమానులు బాగా ఎంజాయ్‌ చేశారు అని చెప్పాలి. మరిప్పుడు ‘అమిగోస్‌’ ఎవరి పాటను, ఏ పాటను రీమిక్స్‌ చేస్తారో చూడాలి. నందమూరి కుటుంబానికి వేటూరి వారు చాలా హిట్‌ సాంగ్స్‌ రాశారు. అందులో ఏ పాటను కల్యాణ్రామ్ ఎంచుకున్నాడు అనేది చూడాలి. అయినా వేటూరి పాటలన్నీ హిట్టే.. కాబట్టి ఏ పాట తీసుకున్నా మనకు నయనానందమే.
Most Recommended Video
లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!
Home