Atlee: నేను దర్శకుడిగా సినిమాలు అసలు చేయను!

కోలీవుడ్ ఇండస్ట్రీలో డైరెక్టర్ గా ఎంతో మంచి గుర్తింపు సంపాదించుకున్నటువంటి అట్లీ ప్రస్తుతం బాలీవుడ్ స్టార్ హీరో షారుక్ ఖాన్ డైరెక్ట్ చేసి జవాన్ సినిమా ద్వారా ప్రేక్షకుల ముందుకు వచ్చారు. ఈ సినిమా ఎలాంటి సక్సెస్ అందుకుందో అందరికీ తెలిసిందే. ఈ సినిమా మంచి సక్సెస్ కావడంతో ఈయన వరుస ఇంటర్వ్యూలకు హాజరవుతూ ఈ సినిమా గురించి అలాగే తన ఫ్యూచర్ సినిమాల గురించి కూడా తెలియజేస్తున్నారు.

ఈ సందర్భంగా ఒక ఇంటర్వ్యూలో పాల్గొన్నటువంటి అట్లీ తన సినిమా కెరియర్ గురించి మాట్లాడుతూ ఆ భగవంతుడి దయవల్ల నాకు మంచి కథలను రాసే అదృష్టం కల్పించారు ఇక జవాన్ సినిమాకు అన్ని పక్కాగా కుదరడంతో ఈ సినిమా శరవేగంగా సెట్స్ పైకి వెళ్లిందని అయితే కరోనా కారణంగా కాస్త ఆలస్యమైందని తెలియజేశారు. ఇక ఈ సినిమా మంచి సక్సెస్ కావడంతో ఆ భగవంతుడి ఆశీస్సులు నాపై ఉన్నాయని ఈయన తెలియజేశారు.

ప్రస్తుతం షారుక్ ఖాన్ సినిమా చేసినటువంటి ఈయన బాలీవుడ్ ఇండస్ట్రీలో ఇంకా ఏ హీరోలను డైరెక్ట్ చేయాలనే ఉందనే ప్రశ్న ఎదురవడంతో బాలీవుడ్ ఇండస్ట్రీలో నలుగురు స్టార్ హీరోలతో సినిమా చేయాలని ఉంది అంటూ తన మనసులో కోరికను బయట పెట్టారు. సల్మాన్ ఖాన్, హృతిక్ రోషన్, రణబీర్ కపూర్, రణబీర్ సింగ్ ఈ నలుగురు హీరోలతో సినిమా చేయాలని ఉంది అంటూ ఈయన తెలియజేశారు.

ఇక అట్లీ (Atlee) దర్శకత్వంలో వచ్చిన సినిమాలన్నీ కూడా ఎంతో మంచి సక్సెస్ కావడంతో తన సినిమాల విజయంపై కూడా ఈయన స్పందించారు. ఈ సందర్భంగా ఈయన మాట్లాడుతూ నేను ఒక సినిమా చేస్తున్నాను అంటే ఒక రచయితలాగా ఒక దర్శకుడిగా భావించి సినిమా అస్సలు చేయను. ఒక అభిమానిగా మాత్రమే ఆ సినిమాను చేస్తాను. అదే నా సినిమా విజయానికి దోహదపడుతుంది అంటూ ఈ సందర్భంగా తన సక్సెస్ గురించి అట్లీ చేసినటువంటి కామెంట్స్ వైరల్ అవుతున్నాయి.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!