LEO Movie: విజయ్‌ సినిమాకు బాలీవుడ్‌ తరహా తలనొప్పి.. అసలు కారణం ఆ గొడవేనా?

September 23, 2023 / 09:53 PM ISTByFilmy Focus

Join Us

LEO Movie: విజయ్‌ సినిమాకు బాలీవుడ్‌ తరహా తలనొప్పి.. అసలు కారణం ఆ గొడవేనా?

బాయ్‌కాట్‌… ఇటీవల వరకు బాలీవుడ్‌లో ఈ మాట ఎక్కువగా వినిపించేది. ఏదో విషయం ఆ హీరో ఏదో అన్నాడని నెటిజన్లు, ఓ వర్గానికి చెందిన ప్రజలు ‘బాయ్‌కాట్‌’ పిలుపు ఇచ్చేవారు. అలా బాలీవుడ్‌లో చాలా సినిమాలు దెబ్బతిన్నాయి. ఎప్పుడో, ఎక్కడో, ఏదో సందర్భంలో వచ్చిన మాటలు, చేష్టలు సినిమాల్ని ముంచేశాయి. ఆ విషయాన్ని ఇప్పుడిప్పుడే బాలీవుడ్‌ మరచిపోతోంది. ఇటీవల కాలంలో ఆ సమస్య రావడం లేదు. అయితే ఇప్పుడు ఆ సెగ తమిళ సినిమా మీదకు వచ్చింది.

దళపతి విజయ్ – లోకేశ్ కనగరాజ్‌ కాంబినేషన్‌లో రూపొందిన భారీ చిత్రం ‘లియో’. లోకేశ్‌ సినిమాటిక్‌ యూనివర్స్‌లో భాగం అంటున్న ఆ సినిమా దసరా సందర్భంగా విడుదల చేయడానికి ఏర్పాట్లు జరుగుతున్నాయి. దర్శకుడు లోకేశ్‌ కనగరాజ్‌ టీమ్‌ ఇప్పుడు పోస్ట్‌ ప్రొడక్షన్‌ పనుల్లో బిజీగా ఉన్నారు. అయితే ఈ సినిమాను బ్యాన్‌ చేయాలంటే ఓవైపు నుండి వాదన వినిపిస్తోంది. అయితే అది తమిళనాట కాదు… మలయాళ జనాల నుండి. దీంతో ఏమైందా అని వెతకడం ప్రారంభించారు నెటిజన్లు.

#KeralaBoycottLEO అంటూ ఓ హ్యాష్ టాగ్ సోషల్ మీడియాలో గత రెండు రోజులుగా ట్రెండ్ అవుతోంది. ఇంత క్రేజ్ ఉన్న ఈ సినిమాను, అందులోనూ లోకేశ్‌ కనగరాజ్‌ లాంటి దర్శకుడు నుండి, విజయ్ లాంటి హీరో నుండి వస్తున్న సినిమాను ఎందుకు బ్యాన్‌ అంటున్నారు అనే ప్రశ్న వినిపిస్తోంది. అయితే ఆ క్రమంలో కేరళలో మోహన్ లాల్ అభిమానుల కొంతమంది, విజయ్ అభిమానులు కొందరి మధ్య మాటల యుద్ధం జరుగుతోంది.

గతంలో మోహన్‌ లాల్‌, విజయ్‌ కలసి ఓ సినిమా చేశారు. అదే ‘జిల్లా’. మామూలుగానే ఇండస్ట్రీలోకి ఇంకో హీరోతో పోల్చుకుంటూ కామెంట్స్‌ చేయం నెటిజన్లు అలవాటు. అలా ఆ సినిమాలో విజయ్‌ కంటే మోహన్‌లాల్‌ నటనే అదిరిపోయింది అని ఓ కామెంట్‌ చేశారు ఓ వ్యక్తి. అది విజయ్ ఫ్యాన్స్ కు నచ్చలేదు. దీంతో ఎదురుదాడి మొదలెట్టారు. పాత సినిమాల్లో మోహన్‌ లాల్‌ నటనను విమర్శిస్తూ ట్వీట్లు చేశారు.

దీంతో లాలెటన్ ఫ్యాన్స్‌ హర్ట్‌ అయ్యి… #KeralaBoycottLEO అనే హ్యాష్ ట్యాగ్‌ తీసుకొచ్చారు. అయితే ఇది జరుగుతుందా లేదా అనేది వేరే టాపిక్‌. కానీ ఇలాంటి చర్చలు ఇబ్బందికరం అని మరోసారి తేలింది.