ఓ సినిమాకి పాటలు హిట్ అయితే… సగం సినిమా హిట్ అయినట్టే అని అంతా అంటుంటారు. ఓ పక్క నటీనటుల పారితోషికాలు ఆకాశాన్నంటుతున్నాయి. మరి సినిమాకి మ్యూజిక్ తో అండగా నిలిచే.. సంగీత దర్శకుల (Music Directors ) పేమెంట్లు సంగతేంటి? ఈ ప్రశ్న చాలా మందిలో ఉంది. కానీ వాళ్ళు కూడా తగ్గడం లేదు. కోట్లకు కోట్లు డిమాండ్ చేస్తున్నారు. భారీ పారితోషికాలు అందుకుంటున్న మ్యూజిక్ డైరెక్టర్స్ ఎవరో ఓ లుక్కేద్దాం రండి :
1) అనిరుథ్ (Anirudh Ravichander) :
తమిళ స్టార్ మ్యూజిక్ డైరెక్టర్ (Music Directors) అనిరుథ్ రవిచందర్ ఇప్పుడు డిమాండ్ మామూలుగా లేదు. అతని మ్యూజిక్ కావాలని స్టార్ హీరోలు దర్శకనిర్మాతలను అడిగి మరీ తమ సినిమాలకు పెట్టించుకుంటున్నారు. దీంతో అనిరుథ్ డిమాండ్ కూడా గట్టిగానే ఉంటుంది. అతని పారితోషికం రూ.15 కోట్లు పలుకుతుంది. నాని (Nani) ‘ది పారడైజ్’ (The Paradise) సినిమా కోసం అనిరుథ్ ని సంగీత దర్శకుడిగా తీసుకున్నారు. ఈ సినిమా కోసం అతనికి రూ.15 కోట్లు పారితోషికం ఇస్తున్నారు. అయితే ఆడియో రైట్స్ రూపంలో ఆల్రెడీ రూ.18 కోట్లు వచ్చేశాయి. సో అతనికి అంత మొత్తం ఇవ్వడంలో తప్పేమీ లేదు అని ప్రూవ్ అయ్యింది.
2) దేవి శ్రీ ప్రసాద్ (Devi Sri Prasad) :
ఇప్పుడు కాస్త సైలెంట్ అయినట్టు కనిపించినా దేవి శ్రీ ప్రసాద్ డిమాండ్ ఏమీ తగ్గలేదు. అతను సంగీతం అందించే సినిమాలకి ఆడియో రైట్స్ గట్టిగానే పలుకుతున్నాయి. దీంతో అతను కూడా రూ.10 కోట్లు అందుకుంటున్నాడు.
3) ఏ ఆర్ రెహమాన్ (A.R.Rahman) :
ఆస్కార్ అవార్డు గ్రహీత ఏ ఆర్ రెహమాన్.. తన సంగీతంతో ఒకప్పుడు ఓ ఊపు ఊపిన వ్యక్తే. కానీ ఇప్పుడు అతను మాస్ ఆడియన్స్ కి నచ్చేలా మ్యూజిక్ ఇవ్వలేకపోతున్నారు అనే రిమార్క్ ఉంది. అయినప్పటికీ అతని డిమాండ్ ఏమీ తగ్గడం లేదు. ‘పెద్ది’ (Peddi) సినిమా కోసం అతను రూ.8 కోట్లు పారితోషికం అందుకున్నట్టు సమాచారం.
4) తమన్ (S.S.Thaman) :
క్షణం తీరిక లేకపోయినా పెద్ద పెద్ద ప్రాజెక్టులకి తమన్ ను తీసుకుంటున్నారు.అయినప్పటికీ ప్రతి సినిమాకు తన బెస్ట్ ఇస్తున్నాడు. ఔట్పుట్ త్వరగా ఇచ్చేస్తాడు అనే కాన్ఫిడెన్స్ ఇతనిపై మేకర్స్ కు ఉంది. అందుకే ఇతను రూ.7 కోట్లు పారితోషికం డిమాండ్ చేసినా కథనకుండా ఇచ్చేస్తున్నారు.
5) అజనీష్ లోకనాథ్ (B. Ajaneesh Loknath) :
‘కాంతార’ తో ఈ కన్నడ మ్యూజిక్ డైరెక్టర్ సౌత్ మొత్తం పాపులర్ అయిపోయాడు.థ్రిల్లర్ సినిమాలకి ఇతను అందించే బ్యాక్ గ్రౌండ్ స్కోర్ చాలా బాగుంటుంది. ‘విరూపాక్ష’ (Virupaksha) ‘మంగళవారం’ (Mangalavaram) సినిమాలతో ఇతని రేంజ్ మరింతగా పెరిగింది. ‘పుష్ప 2’ (Pushpa 2) కి కూడా ఇతను పనిచేశాడు. ప్రస్తుతం ఒక్కో సినిమాకు రూ.6 కోట్లు పారితోషికం అందుకుంటున్నాడు అజనీష్.
6) రవి బస్రూర్ (Ravi Basrur) :
‘కె.జి.ఎఫ్ చాప్టర్ 1’ (KGF) తో రవి బస్రూర్ రేంజ్ పెరిగింది. ఆ సినిమాకి ఇతను అందించిన బ్యాక్ గ్రౌండ్ ప్రపంచం మొత్తం మార్మోగింది. దీంతో పాన్ ఇండియా సినిమాలకి ఇతను కూడా ఫస్ట్ ఆప్షన్ అయిపోయాడు. ప్రస్తుతం ఒక్కో సినిమాకు ఇతను రూ.5 కోట్లు పారితోషికం అందుకుంటున్నట్టు తెలుస్తుంది.
7) ఎం ఎం కీరవాణి (M. M. Keeravani) :
ఆస్కార్ అవార్డు గ్రహీత కీరవాణికి పాన్ ఇండియా ఇమేజ్ ఉంది. పైగా ఆస్కార్ కూడా తోడైంది కాబట్టి.. ఆ ఇమేజ్ ను తన సినిమాలకి వాడుకుని ప్రమోట్ చేసుకోవాలని కొన్ని సినిమా యూనిట్లు భావిస్తున్నాయి. దీంతో ఈ సీనియర్ మ్యూజిక్ డైరెక్టర్ ఒక్కో సినిమాకు రూ.5 కోట్లు డిమాండ్ చేస్తున్నాడు.
8) యువన్ శంకర్ రాజా (Yuvan Shankar Raja) :
తమిళ స్టార్ మ్యూజిక్ డైరెక్టర్ యువన్ శంకర్ రాజా ఇప్పటికీ పలు సినిమాలకి చార్ట్ బస్టర్ సాంగ్స్ ఇస్తూ తన సత్తా చాటుతున్నాడు. దీంతో అతనికి కూడా రూ.5 కోట్లు పారితోషికం కాదనకుండా ఇచ్చేస్తున్నారు నిర్మాతలు.
9) భీమ్స్ (Bheems Ceciroleo) :
‘సంక్రాంతికి వస్తున్నాం’ (Sankranthiki Vasthunam) తర్వాత భీమ్స్ రేంజ్ మారిపోయింది. చిరంజీవి (Chiranjeevi) సైతం నాకు భీమ్స్ సంగీతం కావాలని దర్శకుడు అనిల్ రావిపూడి (Anil Ravipudi) సినిమాకి పెట్టుకున్నారు. ఈ సినిమా కోసం భీమ్స్ కి రూ.3 కోట్లు పారితోషికం ఇస్తున్నారు.
10) జి వి ప్రకాష్ కుమార్ (G. V. Prakash Kumar) :
నటుడిగా ఎంత బిజీ అయినా సంగీత దర్శకుడిగా ఎప్పటికప్పుడు తన స్టామినా చాటుతూనే ఉన్నాడు జి వి ప్రకాష్ కుమార్. ఇప్పుడు అతను ఒక్కో సినిమాకు రూ.2 కోట్లు పారితోషికం అందుకుంటున్నాడు.
11) రథన్ (Radhan) :
దర్శకుల నుండి ఎలాంటి కంప్లైంట్స్ ఉన్నప్పటికీ.. రథన్ సంగీతం ప్రేక్షకులను అలరిస్తూనే ఉంది. అందుకే అతనికి కూడా డిమాండ్ ఉంది. ఒక్కో సినిమాకి అతను కోటి నుండి రూ.1.5 కోట్ల వరకు అందుకుంటున్నాడు.
