మలయాళంలో కొత్త ఈగ.. రాజమౌళి సినిమాతో సంబంధం లేదట!

రాజమౌళి (S. S. Rajamouli) దర్శకత్వంలో 2012లో విడుదలైన ‘ఈగ’ (Eega) సినిమా అప్పట్లో టాలీవుడ్‌లో సంచలనం సృష్టించింది. నాని (Nani) హీరోగా నటించిన ఈ చిత్రం, ఒక ఈగ చుట్టూ తిరిగే కథతో రాజమౌళి తన సృజనాత్మకతను చాటుకున్నాడు. ఈ సినిమా అప్పట్లో ప్రేక్షకులను, విమర్శకులను ఆశ్చర్యపరిచి భారీ విజయం సాధించింది. అయితే, ఇప్పుడు మలయాళంలో వస్తున్న ‘లవ్లీ’ సినిమా కూడా ఈగతో స్నేహం నేపథ్యంలో రావడంతో, దీన్ని ‘ఈగ’తో పోలుస్తూ సోషల్ మీడియాలో చర్చలు జరుగుతున్నాయి.

Lovely

‘లవ్లీ’ (Lovely) సినిమాలో ‘ప్రేమలు’ (Premalu) ఫేమ్ మాథ్యూ థామస్ (Mathew Thomas) హీరోగా నటిస్తున్నాడు. ఈ సినిమా మే 16న మలయాళంతో పాటు తెలుగులోనూ విడుదల కానుంది. ఒక మనిషి, ఈగ మధ్య స్నేహాన్ని చూపించే ఈ కథ అని ట్రైలర్‌లో తెలుస్తుండటంతో, నెటిజన్లు దీన్ని రాజమౌళి ‘ఈగ’తో పోలుస్తున్నారు. ఈ నేపథ్యంలో మాథ్యూ థామస్ స్పందిస్తూ, ‘లవ్లీ’ సినిమా పూర్తిగా భిన్నమైన కథతో రూపొందిందని, ఈగతో స్నేహం చుట్టూ సాగే ఈ కథ ఫీల్‌గుడ్ ఎలిమెంట్స్‌తో ఆకట్టుకుంటుందని తెలిపాడు.

మాథ్యూ మరింత వివరిస్తూ, ‘ఈగ’ సినిమా యాక్షన్ థ్రిల్లర్ జానర్‌లో ఉంటుందని, అందులో ఈగ హీరోగా కనిపిస్తుందని చెప్పాడు. కానీ ‘లవ్లీ’లో ఈగ హీరో కాదని, ఈగ పేరు ‘లవ్లీ’ కావడం వల్ల సినిమాకు ఆ టైటిల్ పెట్టామని వెల్లడించాడు. ఈ సినిమా చూసిన తర్వాత ప్రతి ఒక్కరికీ టైటిల్ సరిగ్గా కనెక్ట్ అవుతుంది అని, సరదాగా, ఎంజాయ్ చేసేలా ఉంటుందని అతను హామీ ఇచ్చాడు. ఈ సినిమా 2025 జూన్‌లో ఓటీటీలోనూ స్ట్రీమింగ్ కానుందని సమాచారం.

ఈ సందర్భంగా మాథ్యూ థామస్ తన గత చిత్రం ‘బ్రొమాన్స్’పై వచ్చిన విమర్శల గురించి కూడా మాట్లాడాడు. ఆ సినిమాలో కోపాన్ని నియంత్రించలేని వ్యక్తిగా నటించిన తన నటన కొన్ని సన్నివేశాల్లో ఓవర్‌గా ఉందని విమర్శలు వచ్చాయని, అయితే తాను పాత్రకు తగ్గట్టుగానే నటించానని చెప్పాడు. అయినప్పటికీ, సినిమా విడుదలైన తర్వాత విమర్శలు విన్నాక తన నటనను సమీక్షించుకుని, కొంత ఓవర్‌గా నటించినట్లు అనిపించిందని అతను వెల్లడించాడు.

స్పిరిట్ కోసం బాలీవుడ్ భామ.. 20 కోట్ల డిమాండా?