Manchu Lakshmi: కిడ్నీలు అమ్ముకునే పరిస్థితి వచ్చిందన్న మంచు లక్ష్మి!

December 27, 2021 / 09:01 AM ISTByFilmy Focus

Join Us

Manchu Lakshmi: కిడ్నీలు అమ్ముకునే పరిస్థితి వచ్చిందన్న మంచు లక్ష్మి!

మంచు మోహన్ బాబు కూతురు మంచు లక్ష్మి గురించి ప్రేక్షకులకు కొత్తగా పరిచయం చేయాల్సిన అవసరం లేదు. తక్కువ సినిమాల్లోనే నటించినా మంచు లక్ష్మి నటిగా మంచి గుర్తింపు సొంతం చేసుకోవడంతో పాటు విజయాలను కూడా అందుకున్నారు. పలు సినిమాలకు నిర్మాతగా మంచు లక్ష్మి వ్యవహరించడంతో పాటు రియాలిటీ షోలకు హోస్ట్ గా కూడా వ్యవహరించారు. మంచు లక్ష్మి సోషల్ మీడియాలో కూడా యాక్టివ్ గా ఉంటారనే సంగతి తెలిసిందే.

తనపై సోషల్ మీడియాలో వచ్చే ట్రోలింగ్ ను మంచు లక్ష్మి అస్సలు పట్టించుకోరు. తాజాగా మంచు లక్ష్మి సోషల్ మీడియాలో ఎయిర్ పోర్ట్ లాంజ్ లో ఆకలి వేయకపోయినా అక్కడ ఆహారాన్ని తినేసానని తెలిపారు. ఎందుకంటే తాను ఫ్లైట్ టికెట్ కొనడం కోసం కిడ్నీలు అమ్ముకునే పరిస్థితి వచ్చిందని మంచు లక్ష్మి చెప్పుకొచ్చారు. టికెట్ ధర చాలా ఎక్కువగా ఉందని మంచు లక్ష్మి చెప్పకనే చెప్పేశారు. ఆ టికెట్ డబ్బులకు న్యాయం చేయాలనే ఆలోచనతో తాను ఆహారాన్ని తిన్నానని ఆమె వెల్లడించారు.

మంచు లక్ష్మి చేసిన ట్వీట్ సోషల్ మీడియాలో వైరల్ అవుతుండగా నెటిజన్ల కామెంట్లకు మంచు లక్ష్మి తనదైన శైలిలో రియాక్ట్ అవుతున్నారు. ఒక నెటిజన్ మీరు కూడా మా కులమే అక్కా అని కామెంట్ చేయగా అవును బాబు మా డాడ్ రిచ్ అని నేను కాదని మంచు లక్ష్మి అన్నారు. అయితే మంచు లక్ష్మి ఎక్కడికి వెళ్లారనే విషయాన్ని మాత్రం సోషల్ మీడియా ద్వారా వెల్లడించడానికి ఇష్టపడలేదు. మరోవైపు మంచు లక్ష్మి తెలుగుతో పాటు ఇతర భాషల సినిమాలలో కూడా నటిస్తున్నారు.

మంచు లక్ష్మి మోహన్ లాల్ హీరోగా తెరకెక్కుతున్న ఒక సినిమాలో కీలక పాత్రలో నటిస్తున్న సంగతి తెలిసిందే. ఇతర భాషల్లో కూడా మంచు లక్ష్మి నటిగా పాపులారిటీని సంపాదించుకుంటారేమో చూడాల్సి ఉంది. మంచు లక్ష్మి కెరీర్ ను చక్కగా ప్లాన్ చేసుకుంటున్నారు. నాలుగు పదుల వయస్సులో ఒకవైపు కుటుంబానికి ప్రాధాన్యత ఇస్తూనే మంచు లక్ష్మి సినిమాలతో బిజీగా ఉండటం గమనార్హం.

I’m not even hungry but I’m still eating in the lounge because I want to make the most for my buck since I had to sell a kidney to buy this flight ticket🙄 😝

— Lakshmi Manchu (@LakshmiManchu) December 26, 2021