‘ఆహా’ అంటే డబ్బింగ్‌ సినిమాలే అనే ముద్రను చెరిపేసుకోవడానికి కంటెంట్‌ టీమ్‌ తెగ ప్రయత్నాలు చేస్తోంది. ఇప్పటికే కొత్త సినిమాలు కొనడం ప్రారంభించిన టీమ్‌… ఇప్పుడు షోల సంఖ్యను పెంచుకుంటోంది. సమంత ‘సామ్‌ జామ్‌’ చేసిన తర్వాత షోల విషయంలో ఏదో క్లారిటీ మిస్‌ అయ్యి… చాలా రోజులుగా కొత్త షోలు చేయలేదు. అయితే ఇప్పుడు కొత్త షోల విషయంలో జోరు పెంచారు. ఏకంగా అగ్రహీరోలను తీసుకొస్తున్నారు.
నందమూరి బాలకృష్ణ హోస్ట్‌గా ‘అన్‌స్టాపబుల్‌’ పేరుతో ‘ఆహా’ ఓ షో అనౌన్స్‌ చేసింది. దీపావళి కానుకగా ఈ షో స్ట్రీమ్‌ అవుతుంది. మరోవైపు మోహన్‌బాబును కూడా ఓటీటీవైపు తీసుకొచ్చే ప్రయత్నాలు జరుగుతున్నాయట. అయితే అది టాక్‌ షోనా, లేక వెబ్‌ సిరీసా అనేది తెలియడం లేదు. మంచు లక్ష్మీ నిర్మాణంలోనే ఈ షో ఉంటుందని, ఆహాలో స్ట్రీమ్‌ అవుతుందని టాక్‌. ఇప్పటికే ‘ఆహా భోజనంబు’తో లక్ష్మీ ‘ఆహా’లో ఉన్న విషయం తెలిసిందే.
మొన్నటివరకు బాలకృష్ణ ‘అన్‌స్టాపబుల్‌’ తొలి ఎపిసోడ్‌కి మోహన్‌బాబు గెస్ట్‌ అని అనుకున్నారు. ఈ లెక్కన ఆ కార్యక్రమంలో ‘సన్నాఫ్‌ ఇండియా’ సంగతి తేలిపోతుంది అనుకోవచ్చు. ఈ రోజో, రేపో ‘అన్‌స్టాపబుల్‌’ టాక్‌ షో తొలి ఎపిసోడ్‌ ప్రోమో రిలీజ్‌ చేస్తారట. సో బాలయ్య జోరు ఓటీటీలో ఎలా ఉంటుందో ఆ రోజు రుచి చూడొచ్చు.
నాట్యం సినిమా రివ్యూ & రేటింగ్!
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
Comments