మహేష్ సినిమాకి ముహూర్తం ఫిక్స్..!

టాలీవుడ్ సూపర్ స్టార్ మహేష్ బాబు.. ఈ ఏడాది ‘సరిలేరు నీకెవ్వరు’ చిత్రంతో సాలిడ్ హిట్ కొట్టి మంచి జోష్ లో ఉన్నాడు. అయితే తన తరువాతి సినిమాని వంశీ పైడిపల్లి డైరెక్షన్లో చేస్తానని చెప్పిన మహేష్.. ప్రస్తుతానికి ఆ ప్రాజెక్ట్ ను పక్కన పెట్టాడు. దీంతో తన తరువాతి చిత్రాన్ని ఏ డైరెక్టర్ తో చేస్తాడు అనే చర్చ మొదలైంది. ఈ క్రమంలో ‘గీత గోవిందం’ తో బ్లాక్ బస్టర్ కొట్టిన పరశురామ్(బుజ్జి) తో సినిమా అన్నారు.. కానీ అతను ’14 రీల్స్ ప్లస్ ఎంటర్టైన్మెంట్స్’ నిర్మాణంలో నాగ చైతన్యతో ఓ చిత్రం చెయ్యాల్సి ఉండడంతో.. అది సాధ్యమేనా అనే అనుమానాలు తలెత్తాయి. అయితే పరశురామ్ తోనే మహేష్ సినిమా ఫిక్స్ అయ్యిందట.

అందుతున్న సమాచారం ప్రకారం.. మార్చి 25నుండీ ఈ ప్రాజెక్ట్ మొదలు కాబోతుందని తెలుస్తుంది. ‘మైత్రి మూవీ మేకర్స్’ సంస్థ ఈ చిత్రాన్ని నిర్మించబోతుందట. స్క్రిప్ట్ మొత్తం పక్కాగా రెడీ అయిపొయింది కాబట్టి… ప్రీ ప్రొడక్షన్ పనులను నెలలో కంప్లీట్ చేసి.. సెట్స్ పైకి వెళ్లినా.. 6 నెలల్లో ఫినిష్ చెయ్యాలని భావిస్తున్నారట. అన్నీ అనుకున్నట్టు జరిగితే.. ఇదే ఏడాది సినిమాని విడుదదల చేసే అవకాశాలు ఉన్నాయట. ఈ చిత్రంలో కూడా అన్ని కమర్షియల్ ఎలిమెంట్స్ ఉంటాయని సమాచారం. త్వరలోనే ఈ ప్రాజెక్ట్ కు సంబంధించి అధికారిక ప్రకటన రానుందని తెలుస్తుంది.

Most Recommended Video

యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!