Nagarjuna: నాగార్జున ఓపెన్‌ అయిపోయాడు.. ‘కూలి’ థియేటర్లలో ‘క్లాష్‌’ బ్లాక్‌బస్టరే!

పాత్ర నచ్చితే దాని నిడివి పట్టించుకోని హీరోల్లో నాగార్జున (Nagarjuna) ఒకరు. అది హీరోనా, కీలక పాత్రనా, అతిథి పాత్రనా అనేది కూడా చూడరు. ఆ మాటకొస్తే ఆ పాత్రలో నెగిటివ్‌ షేడ్స్‌ ఉన్నా పట్టించుకోరు. అలాంటి నాగార్జున (Nagarjuna) దగ్గరకు ఓ దర్శకుడు వెళ్లి ‘సర్‌ మీరు విలన్‌గా నటిస్తారా?’ అని అడిగితే.. ఆ కథ, పాత్ర అద్భుతంగా ఉంటే నో చెబుతారా? కచ్చితంగా నో చెప్పరు. ఇప్పుడు నాగార్జున అదే పని చేశారు.

Nagarjuna

అవును గత కొన్ని రోజులుగా ఏ మూలనో డౌట్‌లా ఉన్న విషయం ఇప్పుడు క్లియర్‌ అయిపోయింది. ‘కూలి’ (Coolie) లో నాగార్జున (Nagarjuna) విలనే.ఇదేదో రెగ్యులర్‌ పుకారు అనుకునేరు. ఆయనే స్వయంగా చెప్పుకొచ్చారు. ‘కూలి’ (Coolie) సినిమాలో విలన్ తానేనని, అది ఎలా జరిగింది, ఎందుకు ఒప్పుకున్నాననే విషయాలను ఇటీవల చెప్పుకొచ్చారు నాగార్జున (Nagarjuna). ‘కూలి’ (Coolie) సినిమా దర్శకుడు లోకేష్ కనగరాజ్ (Lokesh Kanagaraj) మొదటిసారి తనను కలిసినప్పుడు ఒకటే ప్రశ్న అడిగారట.

‘మీరు విలన్ గా చేయడానికి ఆసక్తిగా ఉన్నారా?’ అని అన్నారట. మీకు ఆసక్తిలేకపోతే ఒక కప్పు టీ తాగేసి ఇద్దరం సెలవు తీసుకుందాం అన్నారట. దానికి నాగ్ ‘అలాంటి లెక్కలేమీ లేవు. స్క్రిప్ట్ విన్నాక డిసైడ్ అవుతా’ ని అన్నారట.అలా లోకేశ్‌ కనగరాజ్‌ (Lokesh Kanagaraj) కథ మొదలుపెట్టి సగం అవ్వగానే.. నాగార్జున ఓకే చెప్పేశారట. ఆ తర్వాత మరో ఐదారుసార్లు కూర్చుని పాత్రను రూపొందించుకున్నారట.

అలా ఈ సినిమాలో రజనీకాంత్‌కి విలన్‌గా నాగార్జున (Nagarjuna) ను ఫైనల్‌ చేశారట. ఇలా ఫుల్ లెంగ్త్‌ విలన్ రోల్‌ చేయడం నాగార్జున (Nagarjuna) కి ఇదే మొదటిసారి. గతంలో ‘కిల్లర్’, ‘అంతం’ అంటూ కొంత నెగటివ్ షేడ్ ఉన్న రోల్స్ చేసినా.. ఇది ఫుల్‌ లెంగ్త్‌ విలన్‌ రోల్‌. మరి ఇలాంటి కాంబోను రెడీ చేసిన లోకేశ్‌ కనగరాజ్‌(Lokesh Kanagaraj) కు ఎన్ని థ్యాంక్స్‌ చెప్పినా తక్కువే కదా. అన్నట్లు ఈ సినిమా ఉపేంద్ర, ఆమిర్‌ ఖాన్‌ కూడా నటించారు.

 ‘ది రాజాసాబ్’ టీజర్లో.. వీటిని గమనించారా.. మారుతి గట్టిగానే ప్లాన్ చేసినట్టు ఉన్నాడుగా..!