నందమూరి నట వారసుడు మోక్షజ్ఞ ఎంట్రీ కోసం బాలకృష్ణ అభిమానులు చాలా ఏళ్లుగా వెయిట్‌ చేస్తున్నారు. ఇదిగో వస్తున్నాడు, అదిగో వస్తున్నాడు అంటూ బాలయ్య చెబుతూ వస్తున్నాడు. కానీ ఎంట్రీ మాత్రం ఆలస్యమవుతోంది. ఈలోగా మోక్షజ్ఞ ఫొటోలు కొన్ని బయటికొచ్చాయి. అందులో చూస్తే… కుర్ర హీరోల్లా ఫిట్‌ షేప్‌లోకాకుండా…కాస్త బొద్దుగా కనిపించాడు. దీంతో అభిమానులు నిరాశకు లోనయ్యారు. ఇప్పుడు మరోసారి మోక్షజ్ఞ ఫొటోలు బయటికొచ్చాయి. ఇప్పుడు కూడా వైరల్‌ అవుతున్నాయి.
బాలకృష్ణ కుటుంబం ప్రస్తుతం కారంచేడులో ఉంది. అక్కడ బాలయ్య పెద్ద బావ దగ్గుబాటి వెంకటేశ్వరరావు ఉంటున్న విషయం తెలిసిందే. వారి ఇంట్లోనే సంక్రాంతి సంబరాలు జరుపుకుంటున్నారు బాలయ్య కుటుంబం. ఈ సందర్భంగా బాలయ్య గుర్రం ఎక్కి సందడి చేసిన విషయం తెలిసిందే. ఆ వీడియోలు కూడా వైరల్‌ అవుతున్నాయి. అక్కడే మోక్షజ్ఞ కూడా ఉన్నాడట. గుర్రం మీద బాలయ్య, పక్కన మోక్షజ్ఞ ఉన్న ఫొటో ఇప్పుడు సోషల్‌ మీడియాలో ట్రెండ్‌ అవుతోంది.
ఆ ఫొటోలో చూస్తే మోక్షజ్ఞ కాస్త ఫిట్‌గా కనిపిస్తున్నాడు. గతంలో ఉన్నంత బొద్దుగా కాకుండా… కాస్త ఫిట్‌ అయ్యాడు అని అంటున్నారు నెటిజన్లు. దీంతో సినిమా ఎంట్రీ కోసం బాలయ్య తనయుడు సిద్ధమవుతున్నాడని చెప్పుకుంటున్నారు. నిజానికి ఈ పాటికి మోక్షజ్ఞ ఎంట్రీ అయిపోయి ఉండాలి. ‘ఆదిత్య 999’ పేరుతో ‘ఆదిత్య 369’ సీక్వెల్‌ తీస్తారని, అందులో బాలయ్య కొడుకే హీరో అని గతంలో చెప్పుకొచ్చారు. ఈ సినిమా విషంయలో బాలయ్యే గతంలో ఓ సందర్భంలో చెప్పారు.
ఆ సినిమాకు తనే దర్శకత్వం వహించాలని అనుకుంటున్నాను అని కూడా సూత్ర ప్రాయంగా తెలిపారు. అయితే ఆ తర్వాత కరోనా పరిస్థితులు రావడం, బాలయ్య వరుస సినిమాలతో బిజీ అవ్వడం జరిగిపోయాయి. దీంతో మోక్షజ్ఞ సినిమా ఎప్పుడు స్టార్ట్‌ అవుతుంది, ఎప్పుడు వస్తుంది అనేది తెలియడం లేదు. ఇప్పుడు మోక్షజ్ఞ సినిమాలకు రెడీ అవుతున్నట్లు వార్తలొస్తున్నాయి. మరి బాలయ్య నుండి ఎప్పుడు పచ్చజెండా వస్తుందో చూడాలి. బాలయ్య తన సినిమాలన్నీ ఆపేసి… కొడుకు సినిమా డైరెక్ట్‌ చేస్తాడో లేదంటే రెండు పడవల ప్రయాణం చేస్తాడో చూడాలి.
1
2
3
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home