తెలుగు సినిమాలను విజయవంతం చేస్తున్న అమెరికాలోని తెలుగువారు

తెలుగువారు ఎక్కడున్నా తెలుగువారే. తెలుగు సినిమాలను చూడడమే కాదు.. భారీ మొత్తంతో కొని అందరికీ చూపిస్తారు కూడా. దీంతో ఓవర్సీస్ లో మన చిత్రాలకు డిమాండ్ పెరిగింది. అందుకు తగ్గట్టు వసూళ్లు కూడా పెరుగుతున్నాయి. ఈ ఏడాది ఓవర్సీస్ లో తెలుగు చిత్రాల కలక్షన్స్ పరిశీలిస్తే మనోళ్ళకు సినిమాలంటే ఎంతిష్టమో అర్ధమవుతుంది. ఈ ఏడాదికి బాహుబలి 2 అమెరికన్ మార్కెట్ లో 20 మిలియన్ డాలర్లు పైనే వసూలు చేసి రికార్డు సృష్టించింది. నంబర్ వన్ స్థానాన్ని కైవశం చేసుకుంది. రెండో స్థానంలో షారూఖ్ సినిమా రయీస్ నిలిచింది. ఈ మూవీ 3.6 మిలియన్ డాలర్లను వసూలు చేసింది. ఆ తర్వాత స్థానాన్ని 2.4 మిలియన్ డాలర్లు రాబట్టి ఖైదీ నంబర్ 150 సినిమా దక్కించుకుంది.

బద్రినాథ్ కి దుల్హనియా 1.9 మిలియన్ డాలర్లు వసూలు చేసి 4వ స్థానంలో నిలిచింది. ఇప్పుడు ఫిదా సినిమా 1.7 మిలియన్లు వసూలు చేసి దూసుకుపోతోంది. ఈ లెక్కన  ఓవర్సీస్ లో అత్యధిక కలక్షన్స్ రాబట్టిన టాప్ 5 చిత్రాల్లో మూడు మనవే ఉన్నాయి. ఈ విషయాన్నీ పరిశీలిస్తే తెలుగు సినిమాలనే ఎన్నారైలు ఎక్కువగా చూస్తున్నారని అర్ధమవుతోంది.

Also, do SUBSCRIBE to our YouTube channel to get latest Tollywood updates.