యంగ్ టైగర్ ఎన్టీఆర్ (Jr NTR) నటిస్తున్న బాలీవుడ్ యాక్షన్ ఎపిక్ వార్ 2 (War 2) పై దేశవ్యాప్తంగా ఆసక్తి నెలకొంది. హృతిక్ రోషన్తో కలిసి ఎన్టీఆర్ స్క్రీన్ పంచుకోనున్న ఈ భారీ ప్రాజెక్ట్కి కావాల్సినంత బజ్ క్రియేట్ అయింది. వార్, పఠాన్, టైగర్ సినిమాలతో బ్లాక్ బస్టర్ ఫ్రాంఛైజీగా నిలిచిన స్పై యూనివర్స్లోకి ఎన్టీఆర్ ఎంట్రీ అనేది సౌత్ ప్రేక్షకులకు పెద్ద సర్ప్రైజ్. ఇక యాక్షన్ భాగాలపై వస్తున్న అప్డేట్స్ ఫ్యాన్స్ను మాస్ మూడ్లోకి తీసుకెళ్తున్నాయి.
తాజా సమాచారం ప్రకారం, ఎన్టీఆర్కి ఈ సినిమాలో డిఫరెంట్ షేడ్స్ ఉంటాయట. స్టైల్, బాడీ లాంగ్వేజ్, యాక్షన్ డిజైన్ అన్నీ హాలీవుడ్ స్థాయిలో ఉంటాయని యూనిట్కి చెందిన వర్గాలు చెబుతున్నాయి. ముఖ్యంగా హృతిక్తో (Hrithik Roshan) ఎన్టీఆర్ మధ్య ఓ భారీ యాక్షన్ ఎపిసోడ్ని ఇంటర్నేషనల్ లెవెల్కి తీసుకెళ్లేలా ప్లాన్ చేశారని తెలుస్తోంది. ఆ ఫైట్ షూట్ కోసం ప్రత్యేకంగా విదేశాల్లో సెట్స్ వేసినట్టు సమాచారం.
బాలీవుడ్ యాక్షన్ సినిమాల్లో ఇటువంటి ప్రణాళికలు కొత్తేమీ కాదు. కానీ ఎన్టీఆర్ లాంటి మాస్ యాక్టర్ను ఆ స్టయిల్లో చూపించాలంటే టెక్నికల్గానూ, స్క్రీన్ప్లే పరంగానూ చాలా కేర్ తీసుకోవాల్సి ఉంటుంది. ఇదే ఛాలెంజ్ని డైరెక్టర్ అయాన్ ముఖర్జీ, యాష్ రాజ్ ఫిలింస్ టీమ్ గట్టిగా ఎదుర్కొంటున్నారు. ఎన్టీఆర్ డాన్స్, డైలాగ్ డెలివరీలతో పాటు ఇప్పుడు యాక్షన్ లెవెల్ను కూడా పెంచడం చూస్తుంటే, ఈ సినిమా ఆయనకు మరింత నేషనల్ మార్కెట్ తెస్తుందనడంలో సందేహమే లేదు.
మరోవైపు, ఈ సినిమాతో ఎన్టీఆర్ బాడీ లాంగ్వేజ్లోనూ, గెటప్లోనూ కొత్తదనం చూపించనున్నాడు. ఇప్పటి వరకూ ఎన్టీఆర్ చేసిన ఫైట్స్లో మాస్ ఎనర్జీకి కేరాఫ్ అడ్రస్లా ఉన్నా, ఈసారి మాత్రం స్టైల్, స్పీడ్ అన్నీ కలిపి యాక్షన్ని కొత్త మైలురాయిగా మలిచే యత్నం చేస్తోంది టీమ్. దాంతోనే వార్ 2 ఫైట్స్ ఇప్పుడే హైప్ కు దారితీస్తున్నాయి. మొత్తానికి ఎన్టీఆర్ ఫ్యాన్స్కి ఈ సినిమా ఒక కొత్త విజువల్ ఫీస్ట్ అందించబోతోందన్న బలమైన నమ్మకం ఏర్పడింది. వార్ 2 ఆగస్టు 15న గ్రాండ్ రిలీజ్ కానుంది.
