పవన్ సాయితేజ్ కాంబినేషన్ లో సముద్రఖని డైరెక్షన్ లో వినోదాయ సిత్తమ్ రీమేక్ తెరకెక్కుతున్న సంగతి తెలిసిందే. భారీ బడ్జెట్ తో తెరకెక్కుతున్న ఈ సినిమాకు రోజుకు రెండు కోట్ల రూపాయల చొప్పున పారితోషికం తీసుకుంటున్నానని పవన్ తాజాగా వెల్లడించిన సంగతి తెలిసిందే. అయితే ఈ సినిమా నుంచి కొన్ని సీన్స్ లీకైనట్టు సమాచారం అందుతోంది. పవన్, సాయితేజ్ కాంబో సీన్స్ కు సంబంధించిన కొన్ని ఫోటోలు, వీడియోలు సోషల్ మీడియాలో చక్కర్లు కొడుతున్నాయి.
షూట్ సమయంలోనే షూట్ చేసిన ఫుటేజ్ సీన్స్ లీక్ కావడంతో పవన్ ఫ్యాన్స్ టెన్షన్ పడుతున్నారు. మేకర్స్ వెంటనే అప్రమత్తమై లీక్స్ ను ఆపాలని అభిమానులు కోరుకుంటున్నారు. ఈ మధ్య కాలంలో పెద్ద సినిమాలు సినిమా షూట్ సమయంలోనే ఫోటోలు, వీడియోలు లీక్ కావడంతో భారీ స్థాయిలో నష్టపోతున్నాయి. లీకైన ఫోటోలలో, వీడియోలలో అటు పవన్ లుక్, ఇటు సాయితేజ్ లుక్ అదుర్స్ అనేలా ఉన్నాయి.
డ్రెస్సింగ్ విషయంలో పవన్ సింపుల్ గా ఉంటూనే స్టైలిష్ గా కనిపిస్తుండటం గమనార్హం. ఈ సినిమా ఈ ఏడాది దసరా కానుకగా రిలీజయ్యే అవకాశాలు ఉన్నాయని సమాచారం. సముద్రఖనికి సీరియల్స్ తీసిన అనుభవం ఉండటంతో సమయం వృథా కాకుండా ఈ సినిమాను శరవేగంగా షూట్ చేస్తున్నారు. అతి త్వరలో ఈ సినిమా టైటిల్ కు సంబంధించిన వివరాలతో పాటు రిలీజ్ డేట్ ను ప్రకటించనున్నారు.
చిత్ర యూనిట్ సభ్యుల నుంచి ఫోటోలు, వీడియోలు లీక్ అయ్యి ఉండవచ్చని కామెంట్లు వినిపిస్తుండగా లీక్ చేసిన వాళ్ల విషయంలో మేకర్స్ కఠిన చర్యలు తీసుకోవాల్సి ఉంది. గతంలో పవన్ నటించిన అత్తారింటికి దారేది సినిమా ఫస్టాఫ్ లీకైన సంగతి తెలిసిందే. సినిమా లీకైనా కంటెంట్ అద్భుతంగా ఉండటంతో ఆ మూవీ బ్లాక్ బస్టర్ హిట్ గా నిలిచింది. ఆ సెంటిమెంట్ ప్రకారం వినోదాయ సిత్తం రీమేక్ కూడా బ్లాక్ బస్టర్ అని కొంతమంది నెటిజన్లు కామెంట్లు చేస్తున్నారు.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
