Prabhas: సైలెంట్..గా ప్రభాస్ సినిమా షూటింగ్ మొదలు.!

‘సలార్’ (Salaar) ( పార్ట్ 1 : సీజ్ ఫైర్) ‘కల్కి 2898 ad’ (Kalki 2898 AD)  వంటి హిట్లతో సూపర్ ఫామ్లో ఉన్నాడు ప్రభాస్ (Prabhas). ప్రస్తుతం ‘ది రాజా సాబ్’ (The Rajasaab)  సినిమా షూటింగ్ తో బిజీగా గడుపుతున్నాడు. అలాగే ఈ మధ్యనే హను రాఘవపూడితో (Hanu Raghavapudi)  ఓ సినిమా చేయడానికి గ్రీన్ సిగ్నల్ ఇచ్చిన సంగతి తెలిసిందే. ‘మైత్రి మూవీ మేకర్స్’ నిర్మిస్తున్న ఈ చిత్రానికి సంబంధించిన పూజా కార్యక్రమాలు కూడా లాంఛనంగా ప్రారంభమయ్యాయి. ‘ఫౌజీ’ అనే టైటిల్ ను ఈ చిత్రానికి ఫిక్స్ చేసినట్లు సమాచారం.

Prabhas

1945 ల టైంలో, మిలిటరీ బ్యాక్ డ్రాప్లో జరిగే ఓ పీరియాడిక్ డ్రామా ఇది. ఇమాన్వి ఈ చిత్రంతో హీరోయిన్ గా ఎంట్రీ ఇవ్వబోతోంది. ఇక ‘ఫౌజీ’ గురించి ఓ ఇంట్రెస్టింగ్ న్యూస్ ఇప్పుడు ఫిలింనగర్లో చక్కర్లు కొడుతుంది. అదేంటి అంటే.. సైలెంట్ గా ఈ సినిమా షూటింగ్ ను మొదలుపెట్టేశారట.తమిళనాడు, మధురైలో బుధవారం నుండి ఓ కీలక షెడ్యూల్ ను నిర్వహిస్తున్నారట. అయితే ప్రస్తుతం జరుగుతున్న షూటింగ్లో ప్రభాస్ పాల్గొనడం లేదు.

తదుపరి షెడ్యూల్లో ప్రభాస్ పాల్గొనే అవకాశాలు ఉన్నట్లు తెలుస్తుంది. ఈలోపు అతను ‘రాజా సాబ్’ కి సంబంధించి ఓ కీలక షెడ్యూల్ ని ఫినిష్ చేస్తాడు. ఇక ‘ఫౌజీ’ చిత్రానికి విశాల్ చంద్రశేఖర్ సంగీతం అందించనున్నారు అని తెలుస్తుంది. హను రాఘవపూడి తెరకెక్కించే సినిమాలకి ఎక్కువగా అతనే సంగీతం అందిస్తుంటాడు. అలాగే ప్రభాస్ తో పాటు ఈ సినిమాలో ఇంకో హీరో నటించే అవకాశం ఉందట. కథలో భాగంగా మరో హీరోకి కూడా ఛాన్స్ ఉన్నట్లు తెలుస్తుంది.

‘మత్తు వదలరా 2’ 6 రోజుల్లో ఎంత కలెక్ట్ చేసిందంటే..?