Prabhas: ప్రభాస్ సైన్స్ ఫిక్షన్ లో స్టార్ కమెడియన్!

స్టార్ హీరో ప్రభాస్ నాగ్ అశ్విన్ డైరెక్షన్ లో ప్రాజెక్ట్ కె వర్కింగ్ టైటిల్ తో తెరకెక్కుతున్న సైన్స్ ఫిక్షన్ సినిమాలో నటిస్తున్న సంగతి తెలిసిందే. నాగ్ అశ్విన్ ఈ సినిమాతో ప్రేక్షకులను కొత్త ప్రపంచంలోకి తీసుకెళతారని తెలుస్తోంది. టాలీవుడ్ ఇండస్ట్రీలో హైయెస్ట్ బడ్జెట్ తో ఈ సినిమా తెరకెక్కుతుండటం గమనార్హం. ఈ సినిమాలో స్టార్ కమెడియన్ బ్రహ్మానందం కీలక పాత్రలో నటిస్తారని తెలుస్తోంది. ఈ సినిమాలోని ఒక పాత్రకు బ్రహ్మనందం పర్ఫెక్ట్ ఛాయిస్ అని దర్శకుడు నాగ్ అశ్విన్, ప్రభాస్ భావించారని సమాచారం.

ఈ మధ్య కాలంలో బ్రహ్మానందంకు ఆఫర్లు తగ్గాయి. జాతిరత్నాలు సినిమాతో ఈ ఏడాది సక్సెస్ ను ఖాతాలో వేసుకున్న బ్రహ్మానందం ప్రభాస్ నాగ్ అశ్విన్ కాంబో మూవీతో మరో విజయాన్ని ఖాతాలో వేసుకుంటారేమో చూడాల్సి ఉంది. అయితే ఈ సినిమాలో బ్రహ్మానందం నటిస్తున్నట్టు అధికారిక ప్రకటన రావాల్సి ఉంది. ప్రభాస్ కు జోడీగా ఈ సినిమాలో దీపికా పదుకొనే నటిస్తుండగా బాలీవుడ్ మెగాస్టార్ అమితాబ్ బచ్చన్ ఈ సినిమాలో కీలక పాత్రలో నటిస్తున్నారు.

ప్రాజెక్ట్ కె రిలీజయ్యే సమయానికి బడ్జెట్ మరింత పెరిగినా ఆశ్చర్యపోవాల్సిన అవసరం లేదు. నాగ్ అశ్విన్ ఈ సినిమా స్క్రిప్ట్ కోసం ఏకంగా మూడేళ్ల సమయం కేటాయించారు. విజువల్ వండర్ గా ఈ సినిమా తెరకెక్కనుండగా ఈ మూవీ ఎలాంటి రిజల్ట్ ను సొంతం చేసుకుంటుందో చూడాల్సి ఉంది. 2024 సంవత్సరంలో ఈ సినిమా రిలీజయ్యే అవకాశాలు ఉన్నాయని తెలుస్తోంది.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!