Vijay Devarakonda: ఇదెక్కడి క్రియేటివిటీ.. 'లైగర్' పోస్టర్ పై ట్రోల్స్!

సోషల్ మీడియా కాలంలో ఎంత జాగ్రత్తగా ఉంటే అంత మంచిది. లేదంటే ట్రోలింగ్ కి గురికావాల్సి వస్తుంది. ముఖ్యంగా సెలబ్రిటీలు, పోస్టర్స్ టీజర్లు వదిలే విషయంలో దర్శకనిర్మాతలు చాలా జాగ్రత్తగా ఉండాలి. ఒక్కోసారి సినిమా ప్రమోషన్స్ నెగెటివ్ పబ్లిసిటీకి దారి తీయొచ్చు. ‘లైగర్’ సినిమా విషయంలో అలానే జరుగుతోంది. కాసేపటి క్రితం ఈ సినిమాకి సంబంధించిన కొత్త పోస్టర్ ను రిలీజ్ చేశారు దర్శకనిర్మాతలు. విజయ్ దేవరకొండ దాదాపు నగ్నంగా ఉన్న ఈ స్టిల్ లో ప్రైవేట్ పార్ట్ మీద రోజా పూలను అడ్డంగా పెట్టి పోస్టర్ ను డిజైన్ చేశారు.

మాములుగా అయితే విజయ్ దేవరకొండ చేసిన ఈ యాక్ట్ ట్రెండ్ సెట్టింగ్ టాపిక్ అయ్యేది. కానీ ఈ తరహా ఫస్ట్ లుక్స్ గతంలో చాలానే వచ్చాయి కాబట్టి ఆటోమేటిక్ గా పోలీసులు తీసుకొస్తూ విజయ్ దేవరకొండను, పూరి జగన్నాధ్ ను టార్గెట్ చేస్తున్నారు నెటిజన్లు. కొన్నాళ్లక్రితం సంపూర్నేష్ బాబు కాలీఫ్లవర్ ను అడ్డంగా పెట్టుకొని ఇలాంటి న్యూడ్ పోస్టర్ ను వదిలారు. నిజానికి అది ఒరిజినల్ ఐడియా కాదు.

ఆమిర్ ఖాన్ ‘పీకే’ సినిమా సమయంలో ఇదే తరహాలో న్యూడ్ బాడీ మీద రేడియో అడ్డం పెట్టుకున్న పోజు అప్పట్లో ఎంత వైరల్ అయితే తెలిసిందే. ఇప్పుడు విజయ్ దేవరకొండ ‘లైగర్’ విషయంలో ఇదే ఐడియాను కాపీ చేశారు. దీంతో నెటిజన్లు ట్రోల్ చేయడం మొదలుపెట్టారు. ఇదెక్కడి క్రియేటివిటీ అంటూ కామెంట్స్ చేస్తున్నారు. కంటెంట్ గురించి మాట్లాడాలి కానీ ఇలాంటి పోస్టర్స్ తో జనం సెటైర్లు వేసేలా చేయడం ఏంటని విమర్శలు వస్తున్నాయి.

ఏది ఏమైనా.. విజయ్ దేవరకొండ న్యూడ్ పోస్టర్ మాత్రం బాగా వైరల్ అవుతోంది. ఆగస్టు 25న ఈ సినిమా ప్రేక్షకుల ముందుకు రానుంది. ఇందులో అనన్య పాండే హీరోయిన్ గా నటిస్తోంది.