ProjectK: ప్రాజెక్ట్ కేపై అంచనాలు పెంచేసిన సింగీతం.. రికార్డులు క్రియేటవుతాయా?

ప్రభాస్ నాగ్ అశ్విన్ కాంబినేషన్ లో తెరకెక్కుతున్న ప్రాజెక్ట్ కే సినిమాపై భారీ స్థాయిలో అంచనాలు ఏర్పడుతుండగా ఈ సినిమా గురించి ప్రముఖ సెలబ్రిటీలు చేస్తున్న కామెంట్లు సోషల్ మీడియా వేదికగా హాట్ టాపిక్ అవుతున్నాయి. ఈ సినిమాకు డైరెక్షన్ విషయంలో మార్గదర్శకుడిగా సింగీతం శ్రీనివాసరావు పని చేయడంతో పాటు ఈ సినిమా బ్లాక్ బస్టర్ హిట్ గా నిలవడానికి ఆయన తన వంతు సూచనలు చేశారు. ప్రాజెక్ట్ కే సినిమాలో దీపికా పదుకొనే, అమితాబ్ బచ్చన్, కమల్ హాసన్ నటిస్తుండటంతో ఆకాశమే హద్దుగా ఈ సినిమాపై అంచనాలు పెరుగుతున్న సంగతి తెలిసిందే.

ప్రాజెక్ట్ కే సినిమాలో కమల్ నటించడానికి సింగీతం శ్రీనివాసరావు కారణమని సింగీతం కమల్ కాంబినేషన్ లో పలు బ్లాక్ బస్టర్ సినిమాలు తెరకెక్కిన నేపథ్యంలో సింగీతం కోరిన వెంటనే కమల్ ఈ సినిమాలో నటించడానికి అంగీకరించారని సమాచారం. తాజాగా ప్రాజెక్ట్ కే సినిమా కొరకు కట్ చేసిన గ్లింప్స్ ను చూసిన సింగీతం నా 66 సంవత్సరాల సినీ కెరీర్ లో ఇలాంటిది చూడలేదని చెప్పుకొచ్చారు. ప్రాజెక్ట్ కే సినిమా అద్భుతం అంటూ సింగీతం శ్రీనివాసరావు ఈ సినిమాపై అంచనాలను పెంచేశారు.

ఈ నెల 20వ తేదీన ప్రాజెక్ట్ కే సినిమాకు సంబంధించి ముఖ్యమైన అప్ డేట్స్ రానున్నాయి. ప్రాజెక్ట్ కే కమర్షియల్ గా సంచలనాలను సృష్టించే అవకాశం అయితే ఉందని కామెంట్లు వ్యక్తమవుతున్నాయి. ప్రాజెక్ట్ కే సినిమాపై ఆకాశమే హద్దుగా అంచనాలు పెరుగుతుండగా ప్రభాస్ ఈ సినిమాతో నిరాశ పరిచే అవకాశం అయితే లేదని అభిప్రాయాలు వినిపిస్తున్నాయి.

ప్రాజెక్ట్ కే (ProjectK) సినిమాలో ఎన్నో ప్రత్యేకతలు ఉండనున్నాయని తెలుస్తోంది. ప్రాజెక్ట్ కే సినిమాకు సంబంధించి ఈ నెల 20వ తేదీన అప్ డేట్స్ రానుండగా ఈ సినిమా కథ ఇదేనంటూ సోషల్ మీడియాలో వేర్వేరు వార్తలు ప్రచారంలోకి వస్తున్నాయి. నాగ్ అశ్విన్ ఈ సినిమాతో బాక్సాఫీస్ వద్ద ఏ స్థాయిలో మ్యాజిక్ చేస్తారో చూడాల్సి ఉంది.

పాత్ర కోసం ఇష్టాలను పక్కన పడేసిన నటులు వీళ్లేనా..!

సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు