Mahesh, Trivikram: ఎట్టకేలకి సెట్స్ పైకి వెళ్లనున్న SSMB28?

June 29, 2022 / 07:01 PM ISTByFilmy Focus

Join Us

Mahesh, Trivikram: ఎట్టకేలకి సెట్స్ పైకి వెళ్లనున్న SSMB28?

ఇటీవల మహేష్ బాబు నటించిన సర్కారు వారి పాట సినిమా విడుదలై బాక్సాఫీసు వద్ద మంచి హిట్ టాక్ సొంతం చేసుకున్న సంగతి అందరికీ తెలిసిన విషయమే. ప్రస్తుతం మహేష్ బాబు తన తదుపరి చిత్రాన్ని త్రివిక్రమ్ దర్శకత్వంలో చేయనున్నాడు. మహేష్ బాబు , త్రివిక్రమ్ కాంబినేషన్ లో తెరకెక్కుతున్న 3 వ సినిమా ఇది. ఇప్పటికే వీరిద్దరి కాంబినేషన్ లో అతడు, ఖలేజా వంటి సూపర్ హిట్ సినిమాలు వచ్చాయి.

వీరి కాంబినేషన్ లో 11ఏళ్ళ తర్వాత వీటిరిద్దరు కలసి సినిమా చేయబోతున్నారు. ఈ విషయం తెలుసుకున్న మహేష్ అభిమానుల ఆనందానికి హద్దులు లేకుండా పోయాయి. ప్రస్తుతం మహేష్ బాబు ఫ్యామిలీ తో కలిసి న్యూయార్క్ లో వెకేషన్ ఎంజాయ్ చేస్తున్నారు. తొందర్లోనే మహేష్ ఇండియాకి రానున్నాడు. మహేష్ త్రివిక్రమ్ కాంబినేషన్ లో తెరకెక్కుతున్న సినిమా ఎస్ఎస్ఎస్ఎంబీ28 (SSMB28) వర్క్ టైటిల్ తో రూపొందుతోంది. గతేడాది ఆగస్టు 9 న ఈ సినిమా గురించి అధికారిక ప్రకటన విడుదల చేశారు.

ఈ ఏడాది ఫిబ్రవరిలో సినిమాకి సంబంధించిన పూజ కార్యక్రమాలు కూడా పూర్తయ్యాయి. కానీ ఈ సినిమా షూటింగ్ గురించి ఇప్పటివరకు ఎటువంటి సమాచారం అందకపోవడంతో.. సినిమా షూటింగ్ ఎప్పుడు ప్రారంభం అవుతుందా అని ప్రేక్షకులు ఎదురుచూస్తున్నారు. ఎట్టకేలకు ప్రేక్షకుల నిరీక్షణకు ఇప్పుడు సమాధానం దొరికింది. మహేష్ బాబు ఇండియాకి తిరిగి వచ్చిన వెంటనే ఈ సినిమా షూటింగ్ ప్రారంభించనున్నారు.

జూలై మొదటి వారంలో కానీ రెండవ వారంలో కానీ షూటింగ్ తప్పకుండా ప్రారంభం అవుతుంది అంటూ వార్తలు వినిపిస్తున్నాయి. అయితే మహేష్ బాబు బర్త్ డే సందర్భంగా ఈ సినిమా నుండి ఫస్ట్ లుక్ విడుదల చేయాలని సినిమా యూనిట్ భావిస్తోంది. అందువల్ల ఈ సినిమా షూటింగ్ వచ్చే నెలలో ప్రారంభించటానికి సన్నాహాలు చేస్తున్నారు. ‘ఎస్ఎస్ఎంబీ28’ ఫస్ట్ లుక్ గురించి ఆగస్టు 9 న అప్డేట్ రానుంది.