Balakrishna: మరోసారి సెంటిమెంట్ రిపీట్ చేస్తున్న బాలయ్య!

నందమూరి నటసింహం బాలకృష్ణ ప్రస్తుతం వరుస సినిమాలతో ఎంతో బిజీగా ఉన్నారు. ఈ క్రమంలోనే ఈయన ప్రస్తుతం డైరెక్టర్ అనిల్ రావిపూడి దర్శకత్వంలో నటిస్తున్నటువంటి భగవంత్ కేసరి సినిమా షూటింగ్ పనులలో ఎంతో బిజీగా ఉన్నారు. ఈ సినిమా త్వరలోనే షూటింగ్ పనులను పూర్తి చేసుకోనుంది. ఈ సినిమా తర్వాత బాలకృష్ణ తన తదుపరి సినిమాని బాబి డైరెక్షన్లో చేయబోతున్నారు. ఇక ఇప్పటికే ఈ సినిమా పూజా కార్యక్రమాలను కూడా పూర్తి చేసుకున్న సంగతి మనకు తెలిసిందే.

ఈ క్రమంలోనే తాజాగా బాలకృష్ణ బాబి కాంబినేషన్లో రాబోతున్న సినిమాకు సంబంధించిన ఓ అప్డేట్ సోషల్ మీడియాలో వైరల్ గా మారింది.త్వరలోనే ఈ సినిమా మొదటి షెడ్యూల్ చిత్రీకరణ ప్రారంభం కాబోతుందని తెలుస్తుంది. ఈ మొదటి షెడ్యూల్లో భాగంగా బాలకృష్ణ పై యాక్షన్ సన్ని వేషాలను చిత్రీకరించబోతున్నారని సమాచారం. ఇందుకోసం హైదరాబాద్ సారధి స్టూడియోలో ప్రత్యేకంగా సెట్ వేస్తున్నారని తెలుస్తుంది. మరో 15 రోజులలో ఈ యాక్షన్ సీన్ కి సంబంధించిన సెట్ మొత్తం పూర్తి అవుతుందని అనంతరం మొదటి షెడ్యూల్ చిత్రీకరణ ప్రారంభం అవుతుందని తెలుస్తుంది.

అంతేకాకుండా బాబీ బాలకృష్ణ కాంబినేషన్లో రాబోతున్న ఈ సినిమాలో కూడా బాలకృష్ణ మరోసారి తన సెంటిమెంట్ రిపీట్ చేయబోతున్నారని తెలుస్తోంది. బాలయ్య సినిమా టైటిల్ లో సింహ అన్న పదం రావడానికి సెంటిమెంట్ గా భావిస్తున్నారు. అదేవిధంగా మరో సెంటిమెంట్ కూడా బాలయ్య సినిమాలలో రిపీట్ అవుతుంది. ఏ సినిమాలో అయితే బాలకృష్ణ ద్విపాత్రాభినయంలో నటిస్తారో ఆ సినిమా కూడా హిట్ అవుతుంది.

ఇప్పటికే ఎన్నో సినిమాలు బాలకృష్ణ (Balakrishna) తండ్రి కొడుకుల పాత్రలలో నటించి ప్రేక్షకుల ముందుకు వచ్చారు. ఆ సినిమాలన్నీ కూడా సూపర్ హిట్ అయ్యాయి. ఈ క్రమంలోనే బాబి డైరెక్షన్లో రాబోతున్న ఈ సినిమాలో కూడా బాలకృష్ణ ద్విపాత్రాభినయంలో నటిస్తున్నారని,ఈ సినిమా విషయంలో కూడా సెంటిమెంట్ రిపీట్ అవుతుందని ఈ సినిమా పక్కా హిట్ అవుతుందని అభిమానులు బాలయ్య ఖాతాలో మరో హిట్ సినిమాని ఫిక్స్ చేశారు. ప్రస్తుతం ఈ వార్త వైరల్ గా మారింది.

‘జవాన్’ ట్రైలర్ పై ట్రెండ్ అవుతున్న 15 మీమ్స్!

ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!