మెగా బ్రదర్స్ సినిమాలకి సేమ్ సీన్ రిపీట్ అవుతుందా?

కొన్ని సినిమాలు ఎందుకో అనుకున్న టైంకి పూర్తవ్వవు. ఏళ్ళ తరబడి షూటింగ్ దశలోనే ఉంటాయి. షూటింగ్ కంప్లీట్ అయినా.. అనుకున్న డేట్ కి రిలీజ్ అవుతుంది అనే విషయం కచ్చితంగా చెప్పలేం. గతంలో చూసుకుంటే.. చిరంజీవి (Chiranjeevi) ‘అంజి’ (Anji) సినిమాకి ఇలాంటి ట్రాక్ రికార్డు ఉంది. ఈ సినిమా 1998 వ సంవత్సరంలో సెట్స్ పైకి వెళ్ళింది. కోడి రామకృష్ణ ఈ చిత్రానికి దర్శకులు. చిరంజీవి- కోడి రామకృష్ణ (Kodi Ramakrishna) కాంబినేషన్లో పలు హిట్ సినిమాలు ఉన్నాయి.

Mega Brothers

అలాగే భారీ బడ్జెట్ సినిమాలు కూడా వచ్చాయి. అందులో ‘అంజి’ ఒకటి. ఈ సినిమా సెట్స్ పైకి వెళ్లిన తర్వాత.. చిరంజీవి (Mega Brothers)  మరికొన్ని సినిమాలు మొదలుపెట్టారు. అందులో ‘బావగారు బాగున్నారా’ (Bavagaru Bagunnara?) ‘చూడాలని ఉంది’ (Choodalani Vundi) ‘స్నేహం కోసం’ (Sneham Kosam) ‘ఇద్దరు మిత్రులు’ ‘అన్నయ్య’ (Annayya) ‘మృగరాజు’ (Mrugaraju) ‘డాడీ’ (Daddy) ‘శ్రీ మంజునాథ’ ‘ఇంద్ర’ (Indra) ‘ఠాగూర్’ (Tagore) వంటి సినిమాలు ఉన్నాయి. అవన్నీ కూడా ‘అంజి’ రిలీజ్ అవ్వకముందే రిలీజ్ అయిపోయాయి. 2003 చివర్లో ‘అంజి’ ని రిలీజ్ చేయడానికి ప్రయత్నాలు మొదలుపెట్టారు.

కానీ అనుకున్న టైంకి గ్రాఫిక్స్ వర్క్ వంటివి కంప్లీట్ అవ్వలేదు. దీంతో మొత్తం 5,6 సార్లు పోస్ట్ పోన్ అయ్యింది. ఫైనల్ గా 2004 సంక్రాంతి కానుకగా జనవరి 15న రిలీజ్ అయ్యింది. మొదటి షోతోనే ప్లాప్ టాక్ తెచ్చుకుంది. ఆ తర్వాత డిజాస్టర్స్ లిస్ట్ లో చేరిపోయింది. ఫలితం సంగతి గురించి ప్రస్తుతానికి అనవసరం అనుకున్నా.. ‘హరిహర వీరమల్లు’ (Hari Hara Veera Mallu) పరిస్థితి కూడా ఆల్మోస్ట్ ఇలానే ఉంది. ఈ సినిమా 2020 లోనే సెట్స్ పైకి వెళ్ళింది. కానీ తర్వాత కోవిడ్ రావడంతో 2 ఏళ్ళ పాటు షూటింగ్ డిలే అయ్యింది.

ఆ తర్వాత కూడా వెంటనే షూటింగ్ మొదలైంది లేదు. పవన్ కళ్యాణ్  (Pawan Kalyan) తన డేట్స్ అన్నీ ‘భీమ్లా నాయక్’ (Bheemla Nayak) ‘బ్రో’ (BRO)  సినిమాలకి ఇవ్వడంతో ‘హరిహర వీరమల్లు’ ఆలస్యమైంది. వాటి తర్వాత కూడా పవన్ (Mega Brothers) ఈ సినిమాకి డేట్స్ ఇచ్చింది లేదు. ఈ సినిమా ప్రయాణం కూడా ‘అంజి’లానే సాగుతుంది. వాయిదాల పర్వం కూడా ఆల్మోస్ట్ సేమ్. ఫలితం విషయంలో అభిమానులకి కూడా ఓ క్లారిటీ ఉంది. ఆ విషయాన్ని పక్కన పెట్టేస్తే.. జూన్ 12న విడుదల కావాల్సిన ఈ సినిమా జూలై 4కి మారినట్టు టాక్ వినిపిస్తుంది.

సినిమా డిజాస్టర్‌.. రెమ్యూనరేషన్‌ వెనక్కి.. సిద్ధు జొన్నలగడ్డ నిర్ణయం!