Lucky Baskhar: లక్కీ భాస్కర్.. ఫస్ట్ ఆ హీరో కోసం అనుకుంటే..!

మలయాళ సూపర్‌స్టార్ మమ్ముట్టి (Mammootty)  తనయుడు దుల్కర్‌ సల్మాన్‌ (Dulquer Salmaan) నటించిన తాజా సినిమా ‘లక్కీ భాస్కర్(Lucky Baskhar) .’ దీపావళి పండుగ కానుకగా విడుదలైన ఈ చిత్రం మంచి సక్సెస్‌ను అందుకుంది. దర్శకుడు వెంకీ అట్లూరి  (Venky Atluri) తెరపైకి తెచ్చిన ఈ కథ, బ్యాంకింగ్ రంగంలో ఉన్న లొసుగులను చూపిస్తూ సాగే ఇంట్రెస్టింగ్ డ్రామాగా నిలిచింది. నాగవంశీ  (Suryadevara Naga Vamsi ) , సాయి సౌజన్య (Sai Soujanya) నిర్మాణంలో వచ్చిన ఈ సినిమా, మిడిల్‌ క్లాస్‌ ఫ్యామిలీ ఆడియన్స్‌తో బాగా కనెక్ట్ అవుతోంది.

Lucky Baskhar

వాస్తవానికి ఈ కథ కోసం మొదట ఇతర తెలుగు హీరోల్ని సంప్రదించినట్లు సమాచారం. ప్రముఖ హీరో నాని కూడా మొదట వెంకీ అట్లూరి వినిపించిన కథకు ఆసక్తి చూపించారు. కానీ, తండ్రిగా మళ్లీ మరోసారి ప్రేక్షకుల ముందుకు రావడం అంత ఆసక్తికరంగా ఉండదని భావించిన నాని (Nani) ఈ కథకు సున్నితంగా నిరాకరణ తెలిపారు. ఇప్పటికే ‘జెర్సీ’ (Jersey) లో, తరువాత ‘హాయ్ నాన్న’ (Hi Nanna) లో తండ్రిగా పాత్రలు పోషించడం ద్వారా ఆ పాత్రల మాదిరి అనిపించవచ్చని ఆయన అభిప్రాయం వ్యక్తం చేశారు.

ఈ పరిణామంతో, వెంకీ అట్లూరి కథను మలయాళ నటుడు దుల్కర్‌ సల్మాన్‌కు వినిపించాడు. దుల్కర్ సల్మాన్ వెంటనే ఆ కథకు పచ్చజెండా ఊపడంతో ‘లక్కీ భాస్కర్’ రూపుదాల్చింది. మలయాళంలోనే కాకుండా కోలీవుడ్, టాలీవుడ్‌లో కూడా తనకంటూ ప్రత్యేక గుర్తింపు తెచ్చుకున్న దుల్కర్‌ సల్మాన్‌ ఈ చిత్రంలో బ్యాంక్ ఉద్యోగిగా, మోసగాడిగా మారే పాత్రలో కనిపించి ప్రేక్షకులను ఆకట్టుకున్నాడు. అతని క్యారెక్టర్, మిడిల్‌ క్లాస్ బ్యాక్‌డ్రాప్‌లో ఉండటంతో మంచి ఆకర్షణ పొందింది.

ముఖ్యంగా కుటుంబంతో సినిమా చూసే ప్రేక్షకులకు ఫీల్‌గుడ్ సినిమాగా నిలిచింది. వెంకీ అట్లూరి కూడా ఇప్పటికే తమిళ నటుడు ధనుష్‌తో (Dhanush) ‘సార్‌’ (Sir)  అనే చిత్రాన్ని తెరకెక్కించి విజయవంతమైన సంగతి తెలిసిందే. ఈ చిత్రంలో కూడా పక్కా ఎమోషనల్ ఎలిమెంట్స్‌ వంటి అంశాలు ఉండటంతో ప్రేక్షకులకు బాగా చేరువయ్యారు. ‘లక్కీ భాస్కర్’కి వస్తున్న పాజిటివ్ టాక్‌, కలెక్షన్లు వెంకీ అట్లూరి, దుల్కర్‌ సల్మాన్‌ల కాంబినేషన్‌కి మంచి గుర్తింపుగా నిలిచాయి. ‘సీతారామం’ (Sita Ramam)  తర్వాత తెలుగులో దుల్కర్‌కు మరో హిట్ దొరికింది.