Dhamki, Sir: బాక్సాఫీస్ బరిలో పోటీకి సై అంటున్న విశ్వక్.. ధనుష్ గెలుపెవరిది?

టాలీవుడ్ ఇండస్ట్రీలో యంగ్ హీరోగా మంచి గుర్తింపు సంపాదించుకున్న వారిలో విశ్వక్ సేన్ ఒకరు.వరుస సినిమాలతో ఎంతో బిజీగా ఉన్నటువంటి ఈయన తరచూ పలు వివాదాల ద్వారా కూడా వార్తల్లో నిలుస్తున్నారు. ఇకపోతే తాజాగా ఓరి దేవుడా సినిమా ద్వారా ప్రేక్షకుల ముందుకు వచ్చిన విశ్వక్ తన స్వీయ దర్శకత్వంలో దమ్కీ సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఇప్పటికే ఈ సినిమా నుంచి విడుదల చేసినటువంటి ట్రైలర్ పెద్ద ఎత్తున సినిమాపై అంచనాలు పెంచింది.

ఈ సినిమాలో విశ్వక్ సరసన నివేదా పేతురాజ్ సందడి చేయనున్నారు. ఈ సినిమా పాన్ ఇండియా స్థాయిలో విడుదల చేయడానికి అన్ని ఏర్పాట్లు చేస్తున్నారు. ఇకపోతే తాజాగా ఈ సినిమా విడుదల తేదీ ప్రకటించారు.ఈ సినిమాను వచ్చే ఏడాది ఫిబ్రవరి 17వ తేదీ పాన్ ఇండియా స్థాయిలో విడుదల చేయనున్నట్లు ప్రకటించారు. ఇకపోతే ఫిబ్రవరి 17వ తేదీన పాన్ ఇండియా స్థాయిలో కోలీవుడ్ నటుడు ధనుష్ మొదటిసారి తెలుగులో నటిస్తున్నటువంటి సార్ సినిమాని కూడా విడుదల చేయడానికి మేకర్స్ అన్ని ఏర్పాట్లు చేశారు.

ఇప్పటికే ఈ సినిమా విడుదల తేదీని కూడా అధికారికంగా వెల్లడించిన విషయం తెలిసిందే.వెంకీ అట్లూరి దర్శకత్వంలో ధనుష్ మొదటిసారిగా పూర్తిస్థాయి తెలుగు చిత్రంలో నటించారు. ఈ సినిమా నుంచి ఇప్పటికే విడుదలైనటువంటి టీజర్ పోస్టర్స్ పెద్ద ఎత్తున సినిమాపై అంచనాలు పెంచాయి. ఇక ఈ చిత్రాన్ని ఏకకాలంలో వివిధ భాషలలో విడుదల చేయడానికి సన్నహాలు చేస్తున్నారు.

ఈ సినిమాలో ధనుష్ సరసన సంయుక్త మీనన్ హీరోయిన్ గా సందడి చేశారు. ఇలా ఈ ఇద్దరు హీరోల సినిమాలు ఒకేరోజు విడుదల కావడంతో ఇద్దరూ బాక్స్ ఆఫీస్ వద్ద పెద్ద ఎత్తున పోటీకి దిగబోతున్నారు. మరి ఈ పోటీలో ఎవరు విజయం సాధిస్తారనే విషయం తెలియాల్సి ఉంది.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!