సీనియర్ హీరోలకు అసలే సరైన కథలు దొరక్క పెద్ద ఇబ్బందైపోతుంటే.. వాళ్లకి హీరోయిన్ల సెలక్షన్ అనేది ఇంకాస్త పెద్ద సమస్యగా తయారైంది. సీనియర్ హీరోయిన్లను తీసుకుంటే.. వయసు సరిపోయినా బిజినెస్ అవ్వడం లేదు, కొత్త హీరోయిన్లను తీసుకుంటేనేమో చిన్నపిల్లతో ఏంటీ రొమాన్సులు అంటూ సోషల్ మీడియా దుమ్మెత్తిపోస్తుంది. ముఖ్యంగా సౌత్ హీరోల మీద ఈ నెగిటివిటీ మరీ ఎక్కువగా ఉంది. పాపం రవితేజ (Ravi Teja), చిరంజీవి (Chiranjeevi) ఈ హీరోయిన్ల విషయంలో ఎప్పుడూ టార్గెట్ అవుతూనే ఉంటారు.
తాజాగా ఇలా హీరోయిన్ తో ఏజ్ గ్యాప్ విషయంలో టార్గెట్ అయిన నటుడు అమీర్ ఖాన్ (Aamir Khan). అతడి తాజా చిత్రం “సితారే జమీన్ పర్” (Sitaare Zameen Par) చిత్రంలో హీరోయిన్ గా జెనీలియాను (Genelia) తీసుకోవడం పట్ల ఇంటర్నెట్ లో రచ్చ జరుగుతోంది. నిజానికి జెనీలియాను బాలేవు కి ఇంట్రడ్యూస్ చేసింది అమీర్ ఖానే. తన మేనల్లుడు ఇమ్రాన్ ఖాన్ హీరోగా రూపొందించిన “జానే టూ యా జానే నా” సినిమాతో ఆమెను బాలీవుడ్ కి పరిచయం చేశాడు అమీర్.
ఇప్పుడు ఆమెతో జతకడుతుండడం అనేది చర్చకు దారి తీసింది. జెనీలియా వయసు 37 సంవత్సరాలు కాగా.. అమీర్ ఖాన్ వయస్సు 60 ఏళ్లు. దాదాపు 23 ఏళ్ల గ్యాప్ ఉండడంతో సోషల్ మీడియా జనాలు గోల చేశారు. ఈ విషయమై స్పందించిన అమీర్ ఖాన్ “నేను అసలు ఈ ఏజ్ గ్యాప్ అనేది పట్టించుకోలేదు.
అందులోనూ ఈ టెక్నాలజీ వచ్చేయడంతో ఆన్ స్క్రీన్ వరకు మా మధ్య ఏజ్ గ్యాప్ అనేది కనిపించదు. ఈ సినిమాలో మేం 40 ఏళ్లు పైబడిన జంతగానే కనిపిస్తాం. అందువల్ల పెద్దగా పట్టించుకోవాల్సిన అవసరం ఏం లేదు” అని క్లారిటీ ఇచ్చేసాడు అమీర్ ఖాన్.
Home
