Anil Sunkara: ఆ వార్తల గురించి స్పందించిన అనిల్ సుంకర.. ఏం చెప్పారంటే?

టాలీవుడ్ ప్రముఖ నిర్మాతలలో ఒకరైన అనిల్ సుంకరకు ఈ ఏడాది ఏజెంట్, భోళా శంకర్ సినిమాలతో భారీ షాకులు తగిలాయి. ఈ రెండు సినిమాల నష్టం 100 కోట్ల రూపాయల రేంజ్ లో ఉండనుందని కామెంట్లు వినిపిస్తున్నాయి. అయితే భోళా శంకర సినిమా రిలీజైన రోజు నుంచి ఈ సినిమా గురించి ఊహించని స్థాయిలో నెగిటివ్ వార్తలు ప్రచారంలోకి రావడం గమనార్హం. వైరల్ అయిన వార్తలు చూసి మెగా ఫ్యాన్స్ సైతం షాకయ్యారు.

చిరంజీవి తన పారితోషికం విషయంలో అనిల్ సుంకరను ఇబ్బంది పెట్టారనే విధంగా ఈ వార్తలు ప్రచారంలోకి వచ్చాయి. అయితే ఈ వార్తలు మరీ శృతి మించడంతో అనిల్ సుంకర ఏకే ఎంటర్టైన్మెంట్స్ ట్విట్టర్ అకౌంట్ ద్వారా వైరల్ అయిన వార్తల గురించి క్లారిటీ ఇచ్చే ప్రయత్నం చేశారు. భోళా శంకర్ సినిమాకు సంబంధించి రూమర్లు ప్రచారంలోకి వస్తున్నాయని రెమ్యునరేషన్, ఆస్తుల తాకట్టు వార్తల్లో నిజం లేదని అనిల్ సుంకర పరోక్షంగా చెప్పుకొచ్చారు.

కొన్ని వెబ్ సైట్లు చిరంజీవి, అనిల్ మధ్య గ్యాప్ క్రియేట్ చేసేలా వార్తలు సృష్టిస్తున్న నేపథ్యంలో అవన్నీ బేస్ లెస్, సెన్స్ లెస్ మాటలని అనిల్ సుంకర అన్నారు. ఆ మాటల్లో ఒక్క శాతం కూడా నిజం లేదని దయచేసి ఇలాంటి వార్తలను నమ్మొద్దని అనవసర డిస్కషన్లు పెట్టొద్దని ఆయన కోరారు. అనిల్ సుంకర క్లారిటీతో ఇకనైనా ఈ వార్తలు అగిపోతాయేమో చూడాల్సి ఉంది.

చిరంజీవి అనిల్ సుంకర కాంబోలో మరో సినిమా తెరకెక్కనుందని ఆ సినిమా ద్వారా భోళా శంకర్ నష్టాల భర్తీ జరిగే ఛాన్స్ ఉందని సమాచారం. భోళా శంకర్ రిజల్ట్ గురించి మెగాస్టార్ చిరంజీవి నుంచి స్పందన రావాల్సి ఉంది.

The rumours regarding the disputes that are being circulated online are completely BASELESS & SENSELESS and don’t have a single percent of truth in them.

We Kindly Request everyone
NOT to BELIEVE such kind of news and have unnecessary discussions over it.

— AK Entertainments (@AKentsOfficial) August 15, 2023