మలయాళంలో సూపర్ హిట్ అయిన ‘డ్రైవింగ్ లైసెన్స్’ మూవీ రీమేక్ రైట్స్ ను మెగా పవర్ స్టార్ రాంచరణ్ కొనుగోలు చేసినట్టు ఆ మధ్య వార్తలు వచ్చాయి. రవితేజ, శర్వానంద్, వెంకటేష్ వంటి హీరోలలో ఒకరు ఈ సినిమాలో నటించే అవకాశం ఉందని కూడా కథనాలు పుట్టుకొచ్చాయి. కథ ప్రకారం ఈ చిత్రంలో ఇద్దరు హీరోలకి ఛాన్స్ ఉంటుంది. అయితే చరణ్ ఇప్పట్లో ‘డ్రైవింగ్ లైసెన్స్’ ను రీమేక్ చేసే అవకాశాలు కనిపించడం లేదు.
మరోపక్క ఈ చిత్రం రీమేక్ రైట్స్ ఇప్పుడు చేతులు మారే అవకాశం ఉన్నట్టు తెలుస్తుంది. అందుతున్న సమాచారం ప్రకారం డి.సురేష్ బాబు ఈ రీమేక్ ను నిర్మించే అవకాశాలు కనిపిస్తున్నాయి. అయితే కొన్నాళ్ళ నుండీ సురేష్ బాబు ఒక్కరే సినిమాల్ని రిలీజ్ చేయడం లేదు. ఇంకో బ్యానర్ తో కలిసి నిర్మిస్తూ వస్తున్నారు. ఆ రకంగా చూసుకుంటే.. చరణ్ తో కలిసి సురేష్ బాబు డ్రైవింగ్ లైసెన్స్ ను నిర్మిస్తారా లేక సురేష్ బాబుకి ఈ రీమేక్ రైట్స్ ఇచ్చేసి చరణ్ సైడైపోతాడా? అనేది అంతుచిక్కని విషయం.
ఇదిలా ఉండగా.. ఈ మధ్యనే సురేష్ బాబు తన ‘దృశ్యం2’ ని ఓటిటిలో విడుదల చేశారు. దీనికి సూపర్ రెస్పాన్స్ వస్తోంది.దాంతో ఆయన నిర్మిస్తున్న మరో 3 సినిమాలను కూడా ఓటిటికి ఇచ్చేసారట. అంతేకాకుండా… ఓటిటి సంస్థలతో కలిసి వెబ్ మూవీస్ ను నిర్మించే ఆలోచన కూడా సురేష్ బాబుకి ఉందని తెలుస్తుంది.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
Home