సూపర్ స్టార్ మహేష్ బాబు, స్టార్ రైటర్ కమ్ డైరెక్టర్ త్రివిక్రమ్ కాంబినేషన్లో రూపొందుతున్న SSMB 28 రెగ్యులర్ షూటింగ్ జరుపుకుంటుంది.. సినిమా ప్రకటించిన దగ్గరి నుండి పలు ఆటంకాలు ఎదురయ్యాయి. దీంతో కాస్త ఆలస్యంగానే సెట్స్ మీదకెళ్లింది టీమ్.. పూజా హెగ్డే కథానాయిక.. హారిక – హాసిని క్రియేషన్స్ బ్యానర్ మీద ఎస్. రాధకృష్ణ (చినబాబు) నిర్మిస్తున్నారు. జగపతి బాబు, మహేష్ తండ్రిగా నటిస్తున్నారని సమాచారం. ‘అతడు’, ‘ఖలేజా’ తర్వాత మహేష్ – త్రివిక్రమ్ చేస్తున్న మూడవ సినిమా ఇది.
పన్నేండేళ్ల గ్యాప్ తర్వాత ఈ క్రేజీ కాంబో రిపీట్ అవుతుండడం.. ‘ఖలేజా’ తో నిరాశపరిచిన త్రివిక్రమ్.. ఈసారి ఎలాగైనా మహేష్ బాబుకి సాలిడ్ సూపర్ హిట్ ఇవ్వాలని కసి మీద ఉండడంతో పక్కా హిట్ అని ఫిక్స్ అయిపోయారు ఫ్యాన్స్.. ఇప్పటికే కొన్ని వర్కింగ్ స్టిల్స్ లీక్ అయ్యి.. నెట్టింట వైరల్ అయిన సంగతి తెలిసిందే. స్టార్ కాస్టింగ్ నుండి ఇతర విషయాలేవీ బయటకు రాకుండా జాగ్రత్త పడుతున్నారు టీం..
ఇదిలా ఉంటే ఈ సినిమాకి సంబంధించి ఓ సెంటిమెంట్ విషయంలో సూపర్ స్టార్ ఫ్యాన్స్ ఫుల్ ఖుష్ అవుతున్నారు. అదేంటంటే.. మహేష్ బాబు – త్రివిక్రమ్ కలయికలో వచ్చిన తొలి చిత్రం ‘అతడు’ 2005 ఆగస్టు 10న.. అంటే మహేష్ పుట్టినరోజు మర్నాడు విడుదలై ఘన విజయం సాధించింది. మహేష్ ఫ్యాన్ ఫాలోయింగ్తో పాటు ఫ్యామిలీ ఆడియన్స్కి మరింత చేరువ చేసింది. ‘ఖలేజా’ 2010 అక్టోబర్ 7న వచ్చింది. రిజల్ట్ తెలిసిందే..
ఇప్పుడు SSMB 28ని కూడా ఆగస్టులోనే రిలీజ్ చేయనున్నామని అనౌన్స్ చేశారు. అది కూడా ఆగస్టు 11వ తేదీని ఫిక్స్ అయ్యారని అంటున్నారు. ఈలెక్కన ‘అతడు’ విడుదలైన మరుసటి రోజునే SSMB 28 కూడా వదులుతున్నారు కాబట్టి, దాదాపు 18 ఏళ్ల తర్వాత ఆగస్టు సెంటిమెంట్ రిపీట్ అవుతుందని.. ఆ మ్యాజిక్ జరిగి సినిమా సూపర్ హిట్ అవుతుందని మహేష్ ఫ్యాన్స్ నమ్మకంతో ఉన్నారు..
#Athadu 10th August 2005#SSMB28 11th August 2023
#SuperStar @urstrulyMahesh #Trivikram #SSMB28 pic.twitter.com/uOg19WvzG5— Trivikram (@Trivikram_Fans) February 13, 2023
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
