Hebah Patel: ‘ఆచార్య’ మూవీని వద్దనుకున్న హెబ్బా పటేల్.. ఏ పాత్ర కంటే..!

‘అల ఎలా’ చిత్రంతో టాలీవుడ్ కు ఎంట్రీ ఇచ్చిన హెబ్బా పటేల్.. ‘కుమారి 21ఎఫ్’ ‘ఈడో రకం ఆడో రకం’ ‘ఎక్కడికి పోతావ్ చిన్నవాడా’ ‘నాన్న నేను బాయ్ ఫ్రెండ్స్’ వంటి చిత్రాలతో హిట్లందుకుని మంచి క్రేజ్ ను సంపాదించుకుంది. కానీ శ్రీను వైట్ల దర్శకత్వంలో చేసిన ‘మిస్టర్’ మూవీ నుండీ ఈమెను ఫ్లాప్ లు వెంటాడాయి. తర్వాత గ్లామర్ డోస్ పెంచి చేసిన ’24 కిస్సెస్’ కూడా ఈమెకు మంచి ఫలితాన్ని ఇవ్వలేదు. తర్వాత ఆమెకు ఆఫర్లు కూడా కరువయ్యాయి.

‘భీష్మ’ ‘రెడ్’ ‘ఒరేయ్ బుజ్జిగా’ వంటి సినిమాల్లో హెబ్బా గ్లామర్ యాంగిల్ ను బయటపెట్టింది. ఈ సినిమాల ద్వారా ఆమె గ్లామర్ రోల్స్, ఐటెం సాంగ్స్ వంటివి కూడా చేయగలను అని చెప్పకనే చెప్పింది. దీంతో ఈమెకు వరుసగా పెద్ద సినిమాల్లో ఐటెం సాంగ్స్ చేసే అవకాశాలు వెతుక్కుంటూ వచ్చాయి. అయితే ఈమె మాత్రం అన్నిటికీ ఓకె చెప్పడం లేదు. ‘ఆచార్య’ చిత్రంలో కూడా హెబ్బా పటేల్ కు ఛాన్స్ వచ్చింది.

కానీ ఆమె నొ చెప్పడంతో ఆ అవకాశం రెజీనాకి వెళ్ళింది. నిజానికి హెబ్బా పటేల్ కు ‘ఆచార్య’ ఆఫర్ వచ్చినప్పుడు డ్యాన్స్ మాత్రమే కాకుండా కొన్ని సన్నివేశాలు కూడా చేయాలని దర్శకుడు కొరటాల చెప్పాడట. మొదట్లో ఓకె చెప్పిన ఈమె తర్వాత చేయను అని చెప్పింది. ఆమె అలా చెప్పడం వలన మంచే జరిగింది అంటూ సోషల్ మీడియాలో కామెంట్స్ వినిపిస్తున్నాయి.

‘ఆచార్య’ చిత్రం ప్లాప్ అవ్వడంతో అలాంటి కామెంట్లు ఎక్కువైనట్టు తెలుస్తుంది. ప్రస్తుతం హెబ్బా ‘ఓదెల రైల్వేస్టేషన్’ తో సహా కొన్ని వెబ్ మూవీస్ వంటి వాటిలో నటిస్తూ బిజీగా గడుపుతోంది.

సర్కారు వారి పాట సినిమా రివ్యూ & రేటింగ్!

Most Recommended Video

మహేష్ బాబు 26 సినిమాలు.. మరియు వాటి బాక్సాఫీస్ కలెక్షన్లు..!
‘భద్ర’ టు ‘అఖండ’.. బోయపాటి డైరెక్ట్ చేసిన సినిమాల కలెక్షన్లు..!
‘దూకుడు’ టు ‘సర్కారు వారి పాట’.. ఓవర్సీస్ లో మహేష్ బాబు 1 మిలియన్ మూవీస్ లిస్ట్..!

Share.