Anirudh Ravichander: ‘కింగ్డమ్’ టీంని ఇబ్బంది పెడుతున్న అనిరుధ్..?

అనిరుధ్ (Anirudh Ravichander) .. పాన్ ఇండియా లెవెల్లో స్టార్ స్టేటస్ సంపాదించుకున్న దర్శకుడు. ఇతని మ్యూజిక్ కు ప్రపంచ వ్యాప్తంగా అభిమానులు ఉన్నారు. అన్ని భాషల్లోని హీరోలు ఇతనితో వర్క్ చేయాలని ఆశపడుతున్నారు. తమని అనిరుథ్ బ్యాక్ గ్రౌండ్ స్కోర్లో స్క్రీన్ పై చూసుకోవాలని తహతహలాడుతున్నారు. తన మ్యూజిక్ తో కథాబలం లేని సినిమాలను కూడా నెక్స్ట్ లెవెల్ కి తీసుకెళ్లే సత్తా అనిరుధ్ లో ఉంది. అందుకే అనిరుధ్ కి అంత డిమాండ్ ఏర్పడింది.

Anirudh Ravichander

అతని పారితోషికం కూడా ఒక్కో సినిమాకు రూ.15 కోట్లు పలుకుతుంది. అయితే అనిరుధ్ తో కొన్ని కంప్లైంట్స్ కూడా ఉన్నాయి. సాధారణంగా అతను ప్రతి సినిమాకు ఓకే చెప్పడు. సెలక్టివ్ గా సినిమాలు ఓకే చేస్తాడు.అక్కడితో అంతా అయిపోయింది అనుకుంటే.. పప్పులో కాలేసినట్టే..! అనిరుధ్ తో అసలు సమస్యలు అక్కడి నుండే మొదలవుతాయి. దర్శకనిర్మాతలకు అతను అందుబాటులో ఉండడు.సాంగ్స్ పని త్వరగానే పూర్తిచేస్తాడు. కానీ ఆర్.ఆర్ విషయంలో వాళ్ళని ముప్పుతిప్పలు పెట్టేస్తాడు అని చాలా మంది చెబుతూ ఉంటారు.

ఇప్పుడు ఆ సమస్య ‘కింగ్డమ్’ (Kingdom)  మేకర్స్ కి వచ్చినట్లు తెలుస్తుంది. అవును విజయ్ దేవరకొండ (Vijay Devarakonda) హీరోగా గౌతమ్ తిన్ననూరి (Gowtam Tinnanuri) దర్శకత్వంలో తెరకెక్కుతున్న ఈ సినిమా షూటింగ్ కంప్లీట్ అయ్యింది. ప్రస్తుతం గోవాలో ప్యాచ్ వర్క్ జరుగుతుంది. జూలై 4న రిలీజ్ అనుకున్నారు. కానీ ‘హరిహర వీరమల్లు’ (Hari Hara Veera Mallu)  కనుక ఆ డేట్ కి వస్తే.. ఆ డేట్ కి సినిమా రాకపోవచ్చు అనే కథనాలు కూడా వినిపిస్తున్నాయి. మరోపక్క జూలై 4నే రిలీజ్ డేట్ అనుకుంటే కనుక..

‘కింగ్డమ్’ టీంకి పెద్ద టాస్క్ ఉంది. అదే ఈ సినిమా బ్యాక్ గ్రౌండ్ స్కోర్. అనిరుధ్ ఇంకా దీని ఆర్.ఆర్ కంప్లీట్ చేయలేదు. మరోపక్క అతను టీంకి సరైన రెస్పాన్స్ కూడా ఇవ్వడం లేదు అని వినికిడి. అతను ఎప్పుడు రెస్పాన్స్ ఇస్తాడో.. ఎప్పుడు ఆర్.ఆర్ కంప్లీట్ చేస్తాడో అంచనా వేయలేని పరిస్థితి అని తెలుస్తుంది.

‘విక్రమ్’ వంటి ఇండస్ట్రీ హిట్లు కావాలంటే కమల్ ఈ జాగ్రత్తలు తీసుకోవాల్సిందే..!