Kamal Haasan: ‘విక్రమ్’ వంటి ఇండస్ట్రీ హిట్లు కావాలంటే కమల్ ఈ జాగ్రత్తలు తీసుకోవాల్సిందే..!

ఇండియన్ సినీ పరిశ్రమ ప్రౌడ్ గా ఫీలయ్యే యాక్టర్స్ లిస్ట్ తీస్తే.. అందులో టాప్ ప్లేస్ లో కమల్ హాసన్ (Kamal Haasan) ఉంటారు. అంత గొప్ప నటుడు ఆయన. అన్ని రకాల పాత్రలు చేశారు. హీరో అంటే ఇలాగే ఉండాలి.. ఇమేజ్ ను కాపాడుకోవడానికి సినిమాలు చేయాలి అనే ఫిలాసఫీ కాదు ఆయనది. కెరీర్ ప్రారంభం నుండి ఎన్నో వైవిధ్యమైన పాత్రలు చేశారు. లవ్, యాక్షన్, కామెడీ ఇలా ఏదైనా ఆయనకు కొట్టిన పిండి.

Kamal Haasan

కేవలం నటుడిగానే కాదు నిర్మాతగా, దర్శకుడిగా కూడా కమల్ హాసన్ తనను తాను ప్రూవ్ చేసుకున్నారు. 24 క్రాఫ్ట్స్ లోనూ వర్క్ చేశారు. తన ప్లాప్ సినిమాలకి కూడా ఓ గౌరవం ఉండేలా జాగ్రత్త పడ్డారు. ఓ ఈవెంట్లో వెంకటేష్ చెప్పినట్టు.. ‘ఇండియన్ సినిమాల్లో ఫస్ట్ పాన్ ఇండియన్ యాక్టర్ కమల్ హాసనే’ అన్న మాటలను కూడా అందరూ ఏకీభవిస్తారు. కానీ ఇప్పుడు కమల్ హాసన్ స్టోరీ సెలక్షన్ చూస్తుంటే.. అందరూ ఒకింత ఆశ్చర్యపోయేలానే ఉంటున్నాయి.

కథాబలం ఉందో లేదో చెక్ చేసుకోకుండా ‘ఇండియన్ 2’ (Bharateeyudu 2)  చేశారు. కేవలం శంకర్ ఇమేజ్, ‘ఇండియన్’ క్రేజ్ ను క్యాష్ చేసుకోవచ్చు అనే తపనతో మాత్రమే కమల్ ఆ సినిమా చేసినట్టు ఉంది. ‘ఇండియన్’ ఫ్యాన్స్ అంతా సిగ్గుపడేలా అందులోని సన్నివేశాలు ఉన్నాయి. దాని ఫలితం తెలిసిందే. ఇక ఇప్పుడు ‘థగ్ లైఫ్’ (Thug Life ) విషయానికి వద్దాం. మణిరత్నం  (Mani Ratnam) దర్శకత్వంలో 38 ఏళ్ళ తర్వాత కమల్ హాసన్ చేయడం, శింబు (Silambarasan) , త్రిష (Trisha) ,జోజు జార్జ్ (Joju George) వంటి స్టార్స్ ను తీసుకుని భారీగా మార్కెట్ చేసుకోవడం అనే అంశాన్ని తీసేస్తే.. ఇందులో ఆకట్టుకునే అంశం ఇంకోటి లేదు.

ఒకప్పుడు చాలా అడ్వాన్స్డ్ గా సినిమాలు చేసేవారు కమల్ హాసన్ అనే అభిప్రాయాలు ఇప్పుడు తప్పైపోతున్నాయి. స్టార్ డైరెక్టర్స్ ను నమ్ముకుని కాదు.. కమల్ లాంటి వాళ్ళు లోకేష్ కనగరాజ్ (Lokesh Kanagaraj) వంటి కంటెంట్ ఉన్న కుర్రాళ్ళని ఎంకరేజ్ చేస్తే ‘విక్రమ్’ (Vikram)  వంటి ఇండస్ట్రీ హిట్లు వస్తాయి. ఈ విషయాన్ని కమల్ ఎలా మర్చిపోయారు? చాలా మందికి ఇది అంతు చిక్కడం లేదు. ‘ఇండియన్ 2’ ‘థగ్ లైఫ్’ సినిమాల ఫలితాలు కమల్ కి పెద్ద గుణపాఠం నేర్పినట్టే. నెక్స్ట్ సినిమాల విషయంలో కమల్ ఈ విషయాన్ని దృష్టిలో పెట్టుకుని వ్యవహరించాలి.

‘థగ్ లైఫ్’… దుల్కర్ కి మంచే జరిగింది..!