పాన్ ఇండియా స్టార్ ఎన్టీఆర్ (Jr NTR) ‘ఆర్ఆర్ఆర్’తో (RRR) ప్రపంచవ్యాప్తంగా గుర్తింపు తెచ్చుకున్నాడు. ‘దేవర’తో మరోసారి పాన్ ఇండియా స్థాయిలో విజయాన్ని అందుకున్న తారక్, ప్రస్తుతం బాలీవుడ్ ఎంట్రీగా ‘వార్-2’ షూటింగ్‌లో బిజీగా ఉన్నాడు. తర్వాత ‘కేజీఎఫ్’ (KGF) డైరెక్టర్ ప్రశాంత్ నీల్‌తో (Prashanth Neel) మాస్ ఎంటర్‌టైనర్ చేయడానికి సిద్ధమవుతున్నాడు. ఈ వరుసలో యువ దర్శకుడు శౌర్యువ్ (Shouryuv) పేరు వినిపించడం ఆసక్తికరంగా మారింది. హాయ్ నాన్నతో (Hi Nanna) దర్శకుడిగా పరిచయమైన శౌర్యువ్ కథకు ఎన్టీఆర్ గ్రీన్ సిగ్నల్ ఇచ్చినట్లు సమాచారం.
ఈ కథ పాన్ ఇండియా కనెక్ట్‌తో పాటు ఒక యూనిక్ పాయింట్ కలిగి ఉందని, ఈ కారణంగానే తారక్ ఆలోచనలో పడినట్లు టాలీవుడ్ వర్గాలు చెబుతున్నాయి. శౌర్యువ్ తన తొలి సినిమా ‘హాయ్ నాన్న’ ద్వారా మేకింగ్ పరంగా మంచి గుర్తింపు పొందాడు. కమర్షియల్ సక్సెస్ సాధించలేకపోయినా, దర్శకుడిగా తన సత్తా చాటాడు. ఈ విజయంతో ఇప్పుడు అతను ఎన్టీఆర్ లైనప్‌లో చోటు దక్కించుకున్నాడా అనే ఆసక్తి నెలకొంది.
ప్రస్తుతం ఎన్టీఆర్ ‘వార్-2’ షూటింగ్ పూర్తిచేసిన వెంటనే ప్రశాంత్ నీల్ ప్రాజెక్ట్‌ను ప్రారంభించనున్నాడు. ఈ ప్రాజెక్ట్ పూర్తయ్యే వరకు శౌర్యువ్ సినిమా పై మరింత స్పష్టత రావచ్చని భావిస్తున్నారు. అయితే తారక్ ఇటీవలి కాలంలో ఒకేసారి రెండు సినిమాల షూటింగ్‌లు చేయడం ప్రారంభించడంతో, ప్రశాంత్ నీల్ సినిమాతో పాటు శౌర్యువ్ సినిమాను కూడా ఒకేసారి ప్రారంభించే అవకాశాలు ఉన్నాయంటూ టాలీవుడ్ వర్గాల్లో చర్చ నడుస్తోంది.
శౌర్యువ్ కథపై తారక్ ఆసక్తి చూపిస్తే, యువ దర్శకుడికి ఇది కెరీర్‌లో బిగ్ బ్రేక్ అయ్యే ఛాన్స్ ఉంది. ప్రస్తుత తరుణంలో, ఎన్టీఆర్ పాన్ ఇండియా క్రేజ్ ఉన్న నేపథ్యంలో, శౌర్యువ్ వంటి కొత్త దర్శకుడి ప్రాజెక్ట్ హైప్ క్రియేట్ చేయడం ఖాయం. ఇది శౌర్యువ్ కెరీర్‌కు మంచి మలుపు కావొచ్చని ట్రేడ్ వర్గాలు చెబుతున్నాయి.
Home