Chiranjeevi: చిరంజీవి గురించి కోటా శ్రీనివాసరావు ఆసక్తికర వ్యాఖ్యలు!

సీనియర్ నటుడు కోటా శ్రీనివాసరావు గురించి ప్రత్యేక పరిచయం అవసరం లేదు. గతంలో ఎన్నో సూపర్ హిట్ చిత్రాల్లో విలక్షణ నటుడిగా తన సత్తా చాటుకున్నారు. ఇప్పుడు వయసు మీద పడటంతో ఆయనకు సినిమా అవకాశాలు తగ్గాయి. దీంతో ఆయన తన కోపాన్ని మీడియా ముందు వ్యక్తపరుస్తున్న సందర్భాలు మనం చూస్తూనే ఉన్నాం. నిజజీవితంలో కోటా శ్రీనివాసరావు ఏ విషయం పై అయినా ముక్కుసూటిగా మాట్లాడుతూ ఉంటారు. ఒక్కోసారి అవి ప్రేక్షకులు డైజెస్ట్ చేసుకునే విధంగా ఉండవు.

మొన్నామధ్య ఓ ఇంటర్వ్యూలో సినిమా హీరోల గురించి ఆయన చేసిన కామెంట్స్ పై సెటైర్లు కురిసాయి. ఇప్పుడు సినిమా అనేది లేదు.. మొత్తం సర్కస్ అంటూ ఇప్పటి ఫిలిం మేకర్స్ పై కోటా శ్రీనివాసరావు చేసిన కామెంట్స్ సంచలనం సృష్టించాయి. ఇదిలా ఉండగా.. ఓ ఇంటర్వ్యూలో కోటా శ్రీనివాసరావు ఓ ఆసక్తికర విషయాన్ని చెప్పుకొచ్చాడు. ‘ఓ సినిమా షూటింగ్ కోసం వెళ్ళినప్పుడు … షాట్ రెడీ అవ్వడానికి టైం పడుతుంది అన్నారు.

కాసేపయ్యాక షూటింగ్ ఇంకా ఆలస్యమవ్వొచ్చు.. అన్నారు. సరే కదా అని నేను, ఎం.ఎస్.నారాయణ బయటకి వెళ్ళాము. ఆ టైంలో మందు తాగుతున్నప్పుడు షూటింగ్ స్టార్ట్ అవుతుంది త్వరగా రండి అని కబురు వచ్చింది. మేము వెంటనే బయలుదేరి వెళ్ళాం. షూటింగ్ స్పాట్లో చిరంజీవి ఉన్నారు. తను మేము మందు తగిన విషయాన్ని కనిపెట్టేసాడు. ఆ తర్వాత తన స్టైల్లో తిట్టిపోశాడు.

‘ఇండస్ట్రీలో మీకంటూ ఓ మంచి పేరు ఉంది. మీరు ఇలా చేస్తే.. మిమ్మల్ని చూసి జూనియర్స్ కూడా మీలా తయారవుతారు. సెట్ కి ఇలా రావడం చాలా తప్పు’ అంటూ మండిపడ్డాడు. అతను చెప్పింది మా మంచి కోసమే. మా మంచి గురించి ఆలోచించే వారిలో చిరంజీవి (Chiranjeevi) కూడా ఒకరు’ అంటూ కోటా శ్రీనివాసరావు చెప్పుకొచ్చారు.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!