పుస్తకం అన్నాక కాగితాలు.. సినిమా అన్నాక వాయిదాలు కామన్‌ అంటుంటారు. అలాంటి వాయిదాల పర్వంలో టాలీవుడ్‌ కుర్ర స్టార్ల సినిమాలు కొట్టుమిట్టాడుతున్నాయి. అందులో ఓ హీరో మహేష్‌బాబు. త్రివిక్రమ్‌తో ఆయన సినిమా చేస్తున్న విషయం తెలిసిందే. ఈ సినిమా అనుకున్నది మొదలు ఏదో ఒక అడ్డంకి వస్తూనే ఉంది. తాజాగా మరోసారి సినిమా విషయంలో వాయిదా మాట వినిపిస్తోంది. ఏంటీ షూటింగ్‌ మళ్లీ వాయిదానా? అంటారా.. ఆ వాయిదా ఎప్పుడూ వినిపించేదే.. ఇప్పుడు రిలీజ్‌ వాయిదా అంటున్నారు.
మహేష్ బాబు – త్రివిక్రమ్ సినిమా అంటే అదో ఎమెషన్‌. ఇద్దరి కలయికలో వచ్చిన సినిమాలు విజయంతో సంబంధం లేకుండా ఇప్పటికీ ఫ్యాన్స్‌ను అలరిస్తూనే ఉన్నాయి. ‘అతడు’ డబ్బులు రాకపోయినా ఎప్పుడూ అదిరిపోయే ఆనందాన్నిస్తుంది. ఇక ‘ఖలేజా’ డబ్బులు, విజయం ఇవ్వకపోయినా మహేష్‌లో కొత్త కోణం చూపించింది. ఇప్పుడు ఈ ఇద్దరూ ముచ్చటగా మూడోసారి రావాల్సి ఉంది. అయితే సినిమా కథ, కాన్సెప్ట్‌ విషయంలో ఇబ్బందులతో ఓ షెడ్యూల్‌ స్టార్ట్‌ అయినా ఆగిపోయింది.
వచ్చే నెలలో షూటింగ్‌ మళ్లీ షురూ అంటున్నారు. ఈ వరుస వాయిదాల నేపథ్యంలో సినిమా రిలీజ్‌ డేట్‌ను కూడా మార్చాలని టీమ్‌ అనుకుంటున్నారు. మహేష్‌కు ఎంతో ఇష్టమైన ఆగస్టు 11ను కాదని.. అక్టోబరులోని సినిమాను మూవ్‌ చేస్తున్నారని టాక్‌. అక్టోబర్‌ 18న కానీ, 20న కానీ సినిమాను విడుదల చేయాలని అనుకుంటున్నారట. అంటే విజయదశమి సందర్భంగా సినిమాను తీసుకురావాలని అనుకుంటున్నారట. లాంగ్ వీకెండ్, ఫెస్టివల్‌ డేస్‌ కారణంగా అప్పుడైతే సినిమాకు బాగుంటుందని టీమ్‌ ఆలోచనట.
ఇక సినిమాను తొలుత అనుకున్న ఔట్‌ అండ్‌ ఔట్‌ కమర్షియల్‌ ఎలిమెంట్స్‌తో కాకుండా విలేజ్‌ బ్యాక్‌డ్రాప్‌లో ఎమోషనల్‌ ఫీస్ట్‌గా ఉండాలని అనుకున్నారట. ఇందులో హీరోయిన్లుగా పూజా హెగ్డే, శ్రీలీల నటిస్తారని టాక్‌. అయితే సినిమాలో శ్రీలీల ఉందని, లేదని ఇలా ఏదీ టీమ్‌ చెప్పలేదు. కొత్త షెడ్యూ మొదలైనప్పుడు ఈ విషయంలో క్లారిటీ వస్తుందని చెబుతున్నారు. సో మరో వారం, పది రోజులు ఆగితే సరి.
హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!
సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!
Home