Anil Ravipudi: అనిల్ రావిపూడి పై ప్రశంసలు బానే ఉన్నాయి.. కానీ అదే మైనస్ అట..!

‘ఇప్పుడు జనాలకి నువ్వు కావాలి’.. ఇది ‘వకీల్ సాబ్’ (Vakeel Saab) సినిమాలో పవన్ కళ్యాణ్ (Pawan Kalyan) ను ఉద్దేశించి శరత్ బాబు పలికే డైలాగ్. సినిమాలో పవన్ కళ్యాణ్ (Pawan Kalyan) పెద్ద లాయర్. కానీ అతను ఏ జనాల కోసం నిలబడతాడో… ఆ జనాలే అతన్ని మోసం చేసినట్లు చూపిస్తారు. తర్వాత ఆ జనాల కోసం పవన్ మళ్ళీ తిరిగి వచ్చినప్పుడు వచ్చే డైలాగ్ ఇది. ఇప్పుడు ఈ డైలాగ్ ను అనిల్ రావిపూడికి లింక్ చేస్తున్నారు కొందరు నెటిజన్లు.

Anil Ravipudi

ఎందుకంటే ఇప్పుడు థియేటర్ల పరిస్థితి ఏమీ బాలేదు. 2024 డిసెంబర్ టైం కూడా అంతే..! అలాంటి టైంలో ‘సంక్రాంతికి వస్తున్నాం’ (Sankranthiki Vasthunam) అనే సినిమాని తెచ్చి థియేటర్లకు ఓ కళ తెచ్చాడు అనిల్. గ్రామాల్లో మూసుకుపోయిన థియేటర్లు కూడా తెరుచుకునేలా చేశాడు. ఇప్పుడు కూడా థియేటర్ల పరిస్థితి బాలేదు. ఇలాంటి టైంలో చిరంజీవి (Chiranjeevi) తో అనిల్ రావిపూడి (Anil Ravipudi) ఓ సినిమా చేస్తున్నాడు. ఇది 2026 సంక్రాంతికి రిలీజ్ అని ఫిక్స్ చేసేశారు. ఆల్రెడీ అనిల్ 2 షెడ్యూల్స్ కంప్లీట్ చేసేశాడు. నవంబర్ నాటికి షూటింగ్ అంతా కంప్లీట్ అయిపోతుంది.

పోస్ట్ ప్రొడక్షన్ పనులు వంటివి డిసెంబర్ 2వ వారానికి కంప్లీట్ అయిపోయి.. ఫైనల్ కాపీ రెడీ అయ్యే అవకాశం ఉంది. ఆ వెంటనే ప్రమోషన్స్ షురూ చేసేస్తారు.ఇలా పర్ఫెక్ట్ ప్లానింగ్ ఉన్న దర్శకులు ఇప్పుడు టాలీవుడ్ కి చాలా అవసరం. అప్పుడే థియేటర్లు కళకళలాడతాయి. కానీ ఏ దర్శకుల్లోనూ అనిల్ (Anil Ravipudi) లో ఉన్న క్వాలిటీస్ కనిపించడం లేదు. ఏవేవో పేర్లు చెప్పి.. షూటింగ్ డేస్ ను పొడిగిస్తూ పోతున్నారు. పెద్ద సినిమాలు టైంకి రాకపోవడంతో థియేటర్లు మూసుకోవాల్సిన పరిస్థితి ఏర్పడుతుంది.

అలా అని అనిల్ రావిపూడి (Anil Ravipudi) తో ఇబ్బంది లేదా అంటే.. అతనితో కూడా ఇబ్బంది ఉంది. అదేంటంటే.. అనిల్ రావిపూడి (Anil Ravipudi) తన సినిమాలు కేవలం పండుగల టైంని టార్గెట్ చేసే తీస్తుంటాడు. ముఖ్యంగా సంక్రాంతి పండుగ పైనే అతని గురి ఉంటుంది. వేరే సీజన్లో సినిమా అంటే.. అనిల్ లో అంత యాక్టివ్ నెస్ కనిపించదు. ఫాస్ట్ గా సినిమాలు తీసే అనిల్ రావిపూడి… సంక్రాంతి వరకు సాగదీయకుండా.. సినిమాలు కంప్లీట్ చేసి రిలీజ్ చేస్తే బాగుంటుంది కదా అనేది కొంతమంది డిస్ట్రిబ్యూటర్ల అభిప్రాయంగా తెలుస్తోంది.

రవితేజ ఫ్యాన్స్ ని టెన్షన్ పెడుతున్న ‘కింగ్డమ్’.. ఏమైందంటే?!