పవర్ స్టార్ పవన్ కళ్యాణ్ ఓ పక్క సినిమాల్లో నటిస్తూనే మరోపక్క రాజకీయాలకు సంబంధించిన పనులను చూసుకుంటున్నారు. పవన్ ఇలా చేయడం నిర్మాతలను బాగా ఇబ్బంది పెడుతోంది. పవన్ కళ్యాణ్ ఎప్పుడు షూటింగ్ అంటారో.. ఎప్పుడు రాజకీయాలంటారో తెలియని పరిస్థితి. ముఖ్యంగా ఈ వ్యవహారంలో ‘హరిహర వీరమల్లు’ సినిమా బాగా నలిగిపోతుంది. ఇదొక పీరియాడికల్ సినిమా. ఇప్పటికే ఈ సినిమాపై బాగా ఖర్చుపెట్టారు. పవన్ కారణంగా ఈ సినిమా షూటింగ్ చాలా సార్లు వాయిదా పడింది.
వేసిన సెట్లే మళ్లీ వేయడం, అందరి కాల్షీట్స్ సర్దుబాటు చేసుకోవడం నిర్మాత ఏఎం రత్నంకి తలనొప్పిగా మారింది. పవన్ కళ్యాణ్ కూడా ఈ సినిమాను వీలైనంత త్వరగా పూర్తి చేయాలని నిర్మయించుకున్నారు. పవన్ కళ్యణ్ పొలిటికల్ టూర్ వల్ల మరోసారి వాయిదా పడింది ‘హరిహర వీరమల్లు’ సినిమా షూటింగ్. అయితే ఎప్పుడు షూటింగ్ మొదలుపెట్టినా.. నిరవధిక షెడ్యూల్ తో ఈ సినిమాను పూర్తి చేయాలని పవన్ నిర్ణయానికి వచ్చారట.
ఆగస్టులోగా ఈ సినిమాను పూర్తి చేయాలనేది పవన్ టార్గెట్. క్రిష్ కి కూడా అదే చెప్పారట. ఆగస్టులోగా తనపై తీయాల్సిన సన్నివేశాలను తీయాలని.. ఆ తరువాత వేరే సినిమాకి కాల్షీట్స్ ఇచ్చేస్తానని అన్నారట. పవన్ కళ్యాణ్ చెబుతోన్న వేరే సినిమా ‘వినోదయ సీతమ్’ రీమేక్. సముద్రఖని దర్శకత్వంలో ఈ సినిమాను రూపొందించనున్నారు. సాయిధరమ్ తేజ్, పవన్ కళ్యాణ్ కలిసి ఈ సినిమాలో నటించనున్నారు. మూడు నెలల్లో ఈ రీమేక్ ను పూర్తి చేయాలనేది పవన్ ఆలోచన.
ఈ ఏడాదిలోనే రెండు సినిమాలను పవన్ పూర్తి చేయాలనుకుంటున్నారు. 2023 సంక్రాంతికి ‘హరిహర వీరమల్లు’ సినిమా వస్తుంది. వేసవిలో ‘వినోదయ సీతమ్’ రిలీజ్ కానుంది. వచ్చే ఏడాది జనవరి నుంచి హరీష్ శంకర్ సినిమా సెట్స్ పైకి వెళ్లనుంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home