Naga Vamsi: ‘దేవర’ కలెక్షన్స్ పోస్టర్స్.. ఇది హాలీవుడ్ నుండి వచ్చిన సంస్కృతి అంటున్న నాగవంశీ.!

టాలీవుడ్ స్టార్ ప్రొడ్యూసర్స్..లో ఒకరైన నాగవంశీ (Suryadevara Naga Vamsi) మాటలు అప్పుడప్పుడు హాట్ టాపిక్ అవుతుంటాయి. ఆయన మనసులో ఏమున్నా సరే.. పైకి మాట్లాడేయడం ఆయనకు అలవాటు. ఒక్కోసారి ఆయన చేసే కామెంట్స్ ‘ఓవర్ ది టాప్’ అన్నట్టు ఉంటాయి. అందువల్ల అతనిపై ట్రోలింగ్ కూడా జరుగుతూ ఉంటుంది. ‘గుంటూరు కారం’ (Guntur Kaaram) సినిమా విషయంలో నాగ వంశీ ఎంతలా ట్రోల్ అయ్యాడో అందరికీ తెలుసు. ‘ప్రతి ఏరియాలోనూ రాజమౌళి (S. S. Rajamouli) గారి నంబర్స్ కి దగ్గరగా వెళ్ళిపోతాం’ అంటూ అతను ‘గుంటూరు కారం’ విషయంలో అంచనాలు పెంచాడు.

Naga Vamsi

కానీ అవి నిజం కాకపోవడంతో.. స్వయంగా మహేష్ (Mahesh Babu) అభిమానులే నాగ వంశీని ట్రోల్ చేయడం జరిగింది. సరే ఆ విషయాన్ని పక్కన పెట్టేస్తే.. నాగవంశీ నిర్మాణంలో ‘లక్కీ భాస్కర్’ (Lucky Baskhar) రూపొందింది. ఈ సినిమా దీపావళి కానుకగా అక్టోబర్ 31న ప్రేక్షకుల ముందుకు రానుంది. మలయాళం, తెలుగు భాషల్లో ఏకకాలంలో విడుదల కానుంది. ట్రైలర్ లాంచ్ అక్టోబర్ 21 న ఉంటుంది అంటూ ఈరోజు ఓ ప్రెస్ మీట్ పెట్టి చెప్పుకొచ్చారు ‘లక్కీ భాస్కర్’ మేకర్స్.

ఈ సందర్భంగా నాగవంశీ కొంతమంది రిపోర్టర్స్ నుండి ప్రశ్నలు తీసుకున్నాడు. ఈ క్రమంలో ఒక రిపోర్టర్ ‘దేవర’ (Devara) బాక్సాఫీస్ కలెక్షన్స్ పోస్టర్స్ గురించి పరోక్షంగా ప్రశ్నించాడు. ఆ సినిమాకి తెలుగు రాష్ట్రాల్లో హోల్ అండ్ సోల్ డిస్ట్రిబ్యూటర్ నాగవంశీనే అనే సంగతి అందరికీ తెలిసిందే. అందుకే నాగవంశీకి ఈ ప్రశ్న ఎదురైంది. దీనికి నాగ వంశీ.. ‘కలెక్షన్స్ పోస్టర్స్ అనేవి ఫ్యాన్స్ ను సంతృప్తిపరచడానికి వేస్తుంటాం.

అవి కేవలం ఫ్యాన్స్ కోసమే. హాలీవుడ్లో ఆ సంస్కృతి ఉంది. బాలీవుడ్లో కూడా ఉంది. మన టాలీవుడ్లో కూడా మొదలుపెట్టాం. ఇన్కమ్ టాక్స్ వాళ్లకు కూడా ఈ కలెక్షన్స్ పోస్టర్స్ విషయంలో ఓ క్లారిటీ ఉంది’ అంటూ నాగవంశీ చెప్పుకొచ్చాడు. ‘దేవర’ కలెక్షన్స్ పోస్టర్స్ గురించి ఈ మధ్య ఎక్కువగానే డిస్కషన్స్ నడుస్తున్నాయి. అందుకే నాగవంశీ స్పందించాల్సి వచ్చింది.

Producer/ Distributor @vamsi84 about Official Box-office collections Posters@vamsi84 @SitharaEnts @venupro #LuckyBaskhar #LuckyBaskharFromOctober31st pic.twitter.com/Fj6A7TpG5S

— Phani Kumar (@phanikumar2809) October 11, 2024

పారితోషికం తగ్గించిన పూజా హెగ్డే.. వరుస ఆఫర్లు వస్తాయా?