Samajavaragamana: ఆ విధంగా కూడా నిర్మాతలను గట్టెక్కించేసిన ‘సామజవరగమన’

శ్రీవిష్ణు హీరోగా తెరకెక్కిన ‘సామజవరగమన’ అనే సినిమా ఇటీవల రిలీజ్ అయ్యి మంచి సక్సెస్ అందుకున్న సంగతి తెలిసిందే. జూన్ 29న రిలీజ్ అయిన ఈ చిత్రం ఊహించని విధంగా పెద్ద బ్లాక్ బస్టర్ అయ్యింది. బయ్యర్స్ కి రెండింతల లాభాలను అందించింది. ‘హాస్య మూవీస్’ బ్యానర్‌ పై ‘ఎకె ఎంటర్‌టైన్‌మెంట్స్‌’ బ్యానర్ పై అనిల్ సుంకర సమర్పణలో రాజేష్ దండా ఈ చిత్రాన్ని నిర్మించారు. రామ్ అబ్బరాజు ఈ చిత్రానికి దర్శకుడు.

రిలీజ్ అయ్యి 3 వ వారంలోకి ఎంటర్ అయినా ఈ మూవీ బాక్సాఫీస్ వద్ద మంచి కలెక్షన్లు సాధిస్తూనే ఉంది. ముఖ్యంగా ఓవర్సీస్ లో ఈ మూవీ 10 రెట్ల లాభాలను అందించింది అని చెప్పాలి. అయితే ఈ మూవీ ఇప్పుడు మరో ఘనతని కూడా సొంతం చేసుకుంది.అదేంటి అంటే.. అనిల్ సుంకర నిర్మించిన గత సినిమాలు ‘మహాసముద్రం’ ‘ఏజెంట్’ వంటివి డిజాస్టర్స్ గా మిగిలాయి. అయితే ఆ సినిమాల నష్టాలు చాలా వరకు ‘సామజవరగమన’ తీర్చేసిందట.

తెలుగు రాష్ట్రాల్లో అయితే ‘సామజవరగమన’ (Samajavaragamana) తో వచ్చే లాభాలతో ‘మహాసముద్రం’ నష్టాలు తీర్చాలని డెసైడ్ అయినట్టు నిర్మాత అనిల్ సుంకర చెప్పుకొచ్చారు. అయితే ఇప్పుడు ఓవర్సీస్ లో ఈ మూవీ ‘ఏజెంట్’ నష్టాలు కూడా తీర్చేసినట్టు సమాచారం. ఓవర్సీస్ లో ‘సామజవరగమన’ చిత్రాన్ని రూ.20 లక్షల రేటుతోనే రిలీజ్ చేసారు. అయితే ఇప్పటివరకు ఈ మూవీ రూ.5 కోట్ల పైనే వసూల్ చేసింది. రూ.6 కోట్లకి దగ్గరగా ఉండనే టాక్ కూడా వినిపిస్తుంది.

బేబీ సినిమా రివ్యూ & రేటింగ్!

హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!