స్టైలిష్ స్టార్ అల్లు అర్జున్ (Allu Arjun), సుకుమార్ (Sukumar) కాంబినేషన్‌లో వస్తున్న పాన్ ఇండియా మూవీ పుష్ప 2 (Pushpa 2) పై అంచనాలు రోజు రోజుకు మరింతగా పెరుగుతున్నాయి. డిసెంబర్ 5న సినిమా విడుదలకు సిద్ధమవుతుండగా, ఈ సినిమాతో రికార్డు స్థాయి వసూళ్లు సాధించనున్నట్లు ఇప్పటికే సినీ విశ్లేషకులు అభిప్రాయపడుతున్నారు. పుష్ప 1 (Pushpa) కంటే కూడా హై రేంజ్ లో తెరకెక్కుతున్న ఈ సీక్వెల్‌లో కథా, కథనాలు, యాక్షన్ సన్నివేశాలు, అల్లు అర్జున్ క్యారెక్టరైజేషన్ అన్ని వేరే లెవెల్లో ఉంటాయని సుకుమార్ పలు సందర్భాల్లో చెప్పడం జరిగింది.
అయితే, ఈ సినిమాతో ‘పుష్ప’ కథకు కొత్త రూట్ సెట్ చేయనున్నట్లు తెలుస్తోంది. ఈ సీక్వెల్ తర్వాత కూడా ‘పుష్ప 3’ పేరుతో మరో చిత్రం రానున్నట్లు సమాచారం. ఈ నేపథ్యంలో పుష్ప 2 క్లైమాక్స్‌లో ప్రేక్షకులకు ఓ సర్‌ప్రైజింగ్ ట్విస్ట్ ఇవ్వాలని సుకుమార్ ప్లాన్ చేస్తున్నట్లు టాక్. ముఖ్యంగా మరో స్టార్ హీరో వాయిస్‌ను వినిపిస్తూ, ‘పుష్ప 3’కు లీడ్ ఇచ్చేలా క్లైమాక్స్‌ను ప్లాన్ చేశారని సమాచారం. ఈ ఎత్తుగడతో ప్రేక్షకుల్లో పుష్ప 3పై మరింత ఆసక్తి పెంచాలని, కథలో కొత్త మలుపు తీసుకురావాలని చిత్రబృందం భావిస్తోంది.
బాహుబలిలో ఎలాగైతే ‘కట్టప్ప బాహుబలిని ఎందుకు చంపాడు?’ అన్న ప్రశ్న ప్రేక్షకుల్ని ఎలా ఉత్కంఠకు గురిచేసిందో, అలాగే ఇక్కడ కూడా ఆ హీరో ఎవరు? ఎందుకు వచ్చాడు? వంటి ప్రశ్నలతో ‘పుష్ప 3’పై భారీగా అంచనాలు సెట్ చేయాలని యూనిట్ చర్చలు జరుపుతోంది. ఇప్పటికే కొన్ని సన్నివేశాలను షూట్ చేసే పనిలో ఉన్న పుష్ప 2 టీమ్, నవంబర్ 4 నుంచి ఐటెమ్ సాంగ్ షూట్ చేయనున్నట్లు వార్తలు వస్తున్నాయి.
అలాగే, క్లైమాక్స్ సీన్లు షూట్ చేసే క్రమంలో ‘పుష్ప 3’కి లీడ్ ఇస్తున్న కీలక పాత్ర కోసం ప్రముఖ హీరోను ఎంపిక చేసే ప్రయత్నాల్లో ఉన్నట్లు సమాచారం. మరి ఆ హీరో ఎవరో తెలియాలి అంటే మరికొన్ని రోజులు ఆగాల్సిందే. పుష్ప 2 నుంచి ఇప్పటికే వచ్చిన టీజర్, పోస్టర్లు సోషల్ మీడియాలో వైరల్ అవుతున్నాయి. పుష్ప 3ని కూడా ఇదే స్థాయిలో భారీ అంచనాలతో ప్రేక్షకుల ముందుకు తీసుకురావాలని చిత్రబృందం భావిస్తోంది.
