Rajamouli: ‘బాహుబలి’ ఇంటర్వెల్‌ అలా చేయాల్సిందట.. కానీ

‘బాహుబలి’ సినిమాను ఎన్నిసార్లు చూసినా, ఎన్నిసార్లు చెప్పుకున్నా, ఎంత చెప్పినా, ఎంత విన్నా బోర్‌ కొట్టదు. అంతలా ఆసక్తికరంగా తీర్చిదిద్దారు రాజమౌళి. ఆ సినిమా వచ్చి ఏడేళ్లు పూర్తయిన సందర్భంగా సోషల్‌ మీడియాలో నాటి విషయాలు, రిలీజ్‌ అప్పుడు రాజమౌళి చెప్పిన విషయాలు వైరల్‌ అవుతున్నాయి. ఈ క్రమంలో సినిమా ఇంటర్వెల్‌ సీన్‌ గురిచి రాజమౌళి కొన్ని ఆసక్తికర విషయాలు చెప్పారు. పంచ భూతాలను రిఫరెన్స్‌గా తీసుకొని ఆ సీన్‌లో ఇంటర్వెల్‌ బ్లాక్‌ వేద్దాం అనుకున్నారట.

కానీ తర్వాత మనసు మార్చుకుని.. ఇప్పుడు సినిమాలో ఉన్న సీన్‌ పెట్టారట. భళ్లాల దేవుడి విగ్రహాన్ని ‘బాహుబలి’ తాడుతో లాగిన తర్వాత ఇంటర్వెల్‌ వస్తుందిప్పుడు. అయితే తొలుత వేరే సన్నివేశం మీద ఇంటర్వెల్‌ వేద్దామనుకున్నారట జక్కన్న. దేవసేన పాత్ర ‘‘మాహిష్మతి ఊపిరి పీల్చుకో. నా కొడుకు వచ్చాడు. బాహుబలి తిరిగొచ్చాడు’’ అని అన్నప్పుడు శివుడు నడుచుకుంటూ వస్తుంటే అతడిలో నుంచి బాహుబలి ఫిగర్‌ రావడంపై ఇంటర్వెల్‌ ఇవ్వాలి అనుకున్నారట.

ఆ సీన్‌కు ముందు శివుడు.. రకరకాల దశలు భూమి, నిప్పు, నీరు, గాలి, ఆకాశం ఇలా పంచభూతాలను దాటుకుంటూ మాహిష్మతి సామ్రాజ్యంలోకి అడుగు పెడతాడు. ఆ సన్నివేశాన్ని కూడా వేరేలా అనుకున్నారట. శివుడు మాహిష్మతిలోకి వచ్చే ముందు మంచు కొండల్లో మాహిష్మతి సైనికులతో పోరాటం చేస్తాడు. అప్పుడు అక్కడ ఒక సైనికుడు శివుడిని చూసి బాహుబలి అనుకుంటాడు గుర్తుందా. ‘ప్రభూ.. నన్నేమీ చేయొద్దు’ అని వేడుకుంటాడు కూడా. ముందుగా అనుకున్న ప్రకారం అయితే ఆ భటుటు బిజ్జలదేవ దగ్గరకు వెళ్లి బాహుబలిని చూశా అనే మాట చెబుతాడట.

అప్పుడు బాహుబలి మేం చంపేశాం కదా ఎక్కడి నుండి వస్తాడు అంటూ కొన్ని డైలాగ్స్‌ ఉంటాయట. అందులో పంచ భూతాల గురించి మాట్లాడుతున్నప్పుడు వాటి నుండి శివుడు వచ్చినట్లు అనుకున్నారట. కానీ, విగ్రహం పైకి లేపిన తర్వాత ఇంటర్వెల్‌ వేస్తే బాగుంటుందని అనుకుని బిజ్జలదేవుడి డైలాగ్స్‌ తీసేశారట. అయితే ఆ సీన్స్‌ని శివుడు మాహిష్మతికి బయలుదేరే సన్నివేశాలుగా ‘నిప్పులే శ్వాసగా’ అంటూ పాటలో పెట్టారట.

Ee scene ni @ssrajamouli mundhu anukunnattu teesunte ela undedho 🙏#7YearsForBaahubaliPride#BaahubaliTheBeginning #Baahubali #Prabhas pic.twitter.com/fwZQCwVPUP

— MR Solo 2.0 (@SolidLover123_) July 9, 2022

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!