మీనా.. చైల్డ్‌ ఆర్టిస్ట్ నుండి యువ నటిగా ఆ తర్వాత కథానాయికగా, ఆ తర్వాత స్టార్‌గా, ఆ తర్వాత క్యారెక్టర్‌ ఆర్టిస్ట్‌గా నటించింది. 46 ఏళ్ల మీనా ఇండస్ట్రీలోకి అడుగుపెట్టి 40 ఏళ్లు పూర్తయ్యాయి. అవును ఐదారేళ్ల వయసులోనే ఆమె బాలనటిగా ఇండస్ట్రీకి పరిచయమ్యారు. మీనా @ 40 ఇయర్స్‌.. అంటూ ఇటీవల చెన్నైలో ఓ ఈవెంట్ జరిగింది. బిహైండ్‌ వుడ్స్‌తో కలసి నిర్వహించిన ఈ కార్యక్రమానికి సంబంధించిన కొన్ని ఫొటోలను నటి, ఏపీ మంత్రి రోజా సోషల్‌ మీడియాలో షేర్‌ చేశారు.
మీనా @ 40 ఇయర్స్‌ కార్యక్రమానికి సంబంధించిన ఫొటోలు, ఇతర ముఖ్య అంశాలను రోజా సోషల్‌ మీడియా పోస్టులో తెలిపారు. ఇదే వేదికగా సూపర్ స్టార్ రజనీకాంత్‌ను కూడా సన్మానించుకున్నారు. ‘‘నా స్నేహితురాలు నా సహనటి అల్లరి పిల్ల కళామ్మతల్లి ఒడిలో నలబై ఏళ్లు పూర్తి చేసుకున్న నేపధ్యంలో తనకు నా హృహయ పూర్వక శుభాకాంక్షలు’’ అంటూ రోజా పోస్ట్‌లో రాసుకొచ్చారు. ‘‘మన అల్లరిపిల్ల మీనా #meena40 వేదికపై సూపర్ స్టార్ తలైవర్ రజనీకాంత్‌తో ఆత్మీయపలకరింపు’’ అంటూ రజనీ ఫొటోను షేర్‌ చేశారు రోజా.
దాంతోపాటు కార్యక్రమంలో పాల్గొన్న ఇతర నటీనటుల ఫొటోలు కూడా పోస్ట్‌ చేశారు. కార్యక్రమానికి రాధిక, నాజర్‌, శరత్‌ కుమార్‌, మంజుల కుమార్తెలు శ్రీదేవి, ప్రీతి, ప్రభుదేవా, సంగీత, స్నేహ, కె.ఎస్‌.రవికుమార్‌, దేవయాని, సంఘవి తదితరులు హాజరయ్యారు. ఇప్పుడు ఆ ఫొటోలు వైరల్‌గా మారాయి. ‘నేన్‌ జంగల్‌’ అనే తమిళ సినిమాతో బాలనటిగా మీనా అరంగేట్రం చేశారు. ఆ తర్వాత బాల నటిగా చాలా సినిమాలు చేసి ‘నవయుగం’ అనే తెలుగు సినిమాతో హీరోయిన్‌గా మారారు.
తొలుత చిన్న చిన్న సినిమాలు చేసినా ఆ తర్వాత స్టార్ హీరోల సరసన వరుస సినిమాలు చేశారు. ప్రస్తుతం క్యారెక్టర్‌ ఆర్టిస్ట్‌గా స్థిరపడ్డారు. ఇటీవల భర్త అకస్మిక మరణంతో కుంగిపోయిన మీనా.. ఇప్పుడిప్పుడే తిరిగి మామూలు జీవితంలోకి వచ్చారు.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
