పోలీస్ పాత్రలపై రవితేజ మోజు..!!

సినిమాలను ఓకే చేయడంలో ఎప్పుడూ స్పీడ్ గా ఉండే రవితేజ ఈ సారి ఆలస్యం చేస్తున్నారు. మాస్ మహారాజా గత చిత్రం బెంగాల్ టైగర్ రిలీజ్ అయి ఇప్పటికీ 8 నెలలు గడిచి పోయాయి. అయినా మరో సినిమా సెట్స్ మీదకు వెళ్లలేదు. రాబిన్ హుడ్, ఇంకొకడు అనే చిత్రాలు చేస్తున్నట్లు వార్తలు వినిపిస్తున్నా అవన్నీ పక్కకు వెళ్లిపోయినట్లు సమాచారం. ప్రస్తుతం రవితేజ ఓ పోలీస్ కథకు ఒకే చెప్పినట్లు తెలిసింది.

గతంలో విక్రమార్కుడు, మిరపకాయ్, బలుపు, పవర్ చిత్రాల్లో పవర్ ఫుల్ పోలీస్ ఆఫీసర్ గా కనిపించి మెప్పించారు. అభిమానులు ఈ చిత్రాలను సూపర్ హిట్ చేశారు. అదే నమ్మకంతో రచయిత వక్కంతు వంశీ చెప్పిన కథ నచ్చడంతో గ్రీన్ సిగ్నల్ ఇచ్చినట్లు ఫిలిం నగర్ టాక్. ఈ రైటర్ టెంపర్ లో ఖాకీ చొక్కాను కొత్తగా మలిచారు. మరో పోలీస్ ఫిలిం రేసుగుర్రంకు స్క్రీన్ ప్లే రైటర్ గా పని చేసిన విక్రమ్ సిరికొండకు ఈ సినిమా దర్శకత్వ బాధ్యతలను రవితేజ అప్పగించారు. ఈ చిత్రానికి ‘బాద్షా పోలీస్ మాన్” పేరు పరిశీలనలో ఉంది. వేగంగా స్క్రిప్ట్ వర్క్ పూర్తి చేసుకుని ఈ మూవీ త్వరలోనే సెట్స్ మీదకు వెళ్లనుంది.