Chiranjeevi, NTR: ‘వాల్తేర్ వీరయ్య’తో ఎన్టీఆర్ సినిమాకి పోలిక!

మెగాస్టార్ చిరంజీవి ప్రధాన పాత్రలో తెరకెక్కిన ‘వాల్తేర్ వీరయ్య’ సినిమా ఈ నెల 13న ప్రేక్షకుల ముందుకు రానుంది. బాబీ డైరెక్ట్ చేసిన ఈ సినిమాలో చిరంజీవి జాలరిగా కనిపించనున్నారు. ఈ పాత్రలో చాలా వేరియేషన్స్ ఉంటాయి. జాలరి స్మగ్లర్.. గ్యాంగ్ స్టర్ గా మారడమే ఈ సినిమా కథ. ఇదిలా ఉండగా.. ఎన్టీఆర్, కొరటాల శివ కాంబినేషన్ లో ఓ సినిమా తెరకెక్కనున్న సంగతి తెలిసిందే. ఈ సినిమాలో కూడా ఎన్టీఆర్ జాలరిగా కనిపించబోతున్నట్లు సమాచారం.

ఆ పాత్రలోనూ చిరంజీవి సినిమాలనే చాలా షేడ్స్ ఉంటాయట. కొరటాల శివ కథలన్నీ కమర్షియల్ కథలే. కాకపోతే వాటిలో ఓ సామాజిక నేపథ్యం ఉంటుంది. ఈసారి సముద్ర జలాలు, కలుషిత నీరు.. ఇలా చాలా పాయింట్స్ తో కథను రాసుకున్నారు కొరటాల. ఎన్టీఆర్ పాత్ర.. వాటికి సంబంధించిన గెటప్పులు కూడా ఆసక్తికరంగా ఉంటాయని సమాచారం. ఈ సినిమా కథ రాయడానికి కొరటాల శివ చాలా సమయమే తీసుకున్నారు. ఆయన చివరిగా తీసిన ‘ఆచార్య’ సినిమా పెద్ద డిజాస్టర్ అయింది.

ఆ వెంటనే ఎన్టీఆర్ తో సినిమా అనగానే ఫ్యాన్స్ లో చాలా సందేహాలు తలెత్తాయి. ఇదివరకు ఎన్టీఆర్, కొరటాల శివ కాంబినేషన్ లో వచ్చిన ‘జనతా గ్యారేజ్’ భారీ విజయాన్ని అందుకుంది. ఆ నమ్మకంతోనే ఎన్టీఆర్ రెండో ఛాన్స్ ఇచ్చారు. కానీ ‘ఆచార్య’ సినిమా ఫెయిల్ అవ్వడం ఎన్టీఆర్30 సినిమాపై ప్రభావం చూపించింది. అందుకే ఎలాంటి తప్పులు దొర్లకుండా పకడ్బందీగా స్క్రిప్ట్ రెడీ చేశారు కొరటాల శివ. ఇక ఈ సినిమాలో జాన్వీకపూర్ ని హీరోయిన్ గా తీసుకున్నట్లు టాక్.

దీనిపై ఎలాంటి అధికార ప్రకటన రాలేదు. ఈ సంక్రాంతికి సినిమాకి సంబంధించిన ఫస్ట్ లుక్ కానీ టైటిల్ గానీ విడుదల చేసే అవకాశాలు ఉన్నాయి. ఈ ఏడాది మొత్తం ఎన్టీఆర్, కొరటాల శివ ఈ ప్రాజెక్ట్ తో బిజీ కానున్నారు. 2024లో ఈ సినిమా ప్రేక్షకుల ముందుకు రానుంది.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!